Wednesday, 18 October 2017

ഹംപി - കല്ലുകളുടെ നാട്ടിൽ ഒരു ഇടവേള: (Hampi- Interval in the land of rocks )





തുങ്കഭദ്ര നദിയുടെ വടക്കേദിക്കിലായി ഒരു സുവർണകാലത്തിന്റെ മഹത്തായ അവശേഷിപ്പുകൾ പ്രതിഭലിപ്പിച്ചു തലയെടുപ്പോടെ  നിൽക്കുന്ന വിജയനഗര സാമ്രാജ്യത്തിന്റെ ശേഷിപ്പ് ,ഹംപി.
AD 1336–1646 കാലഘട്ടത്തില്‍  കര്‍ണ്ണാടക ഭരിച്ചിരുന്ന വിജയനഗര സാമ്രാജ്യത്തിന്‍റെ തലസ്ഥാന കേന്ദ്രമായിരുന്നു  ഹംപി .  വിജയനഗരരാജാകന്മാരുടെ കാലത്തും, അതിന് മുന്‍പും ശേഷവും നിര്‍മ്മിച്ച നിരവധി ചരിത്രസ്മാരകങ്ങൾ ഹംപിയിലുണ്ട്. യുനെസ്കോയുടെ ലോകപൈതൃകകേന്ദ്രങ്ങളുടെ പട്ടികയിൽ ഉൾപ്പെട്ടിട്ടുള്ള സ്ഥലമാണ് ഹംപി . ഒരു വിനോദസഞ്ചാര കേന്ദ്രത്തിലുപരി ഹംപിയൊരു തീർത്ഥാടന കേന്ദ്രംകൂടിയാണ്.കണ്ണെത്താ ദൂരത്തോളം ചിന്നി ചിതറി കിടക്കുന്ന കൽകുമ്പാരങ്ങളുടെ  നാട് ഹംപി .

അപ്രതീക്ഷിത യാത്ര:

  പുണ്യ പുരാണങ്ങളുടെ  കെട്ടഴിച്ചു വിട്ടാൽ ഈ ഭാരതത്തിനോളം ചരിത്രം വേറെ ഒരു രാജ്യത്തിനുമുണ്ടാവില്ല. അങ്ങനെ ചരിത്രങ്ങൾ  കല്ലുകളാൽ  മുടിവെക്കപെട്ട ഒരു മഹാനഗരമാണ് ഹംപി. ഹംപിയുടെ കനൽ മനസ്സിൽ ഏരിയാൻ തുടങ്ങിട്ടു കാലം കുറെ ആയെങ്കിലും അതിനൊരു ഫലപ്രാപ്തിയിലെത്താൻ ഒരു അപ്രീതിഷ യാത്ര തന്നെ വേണ്ടി വന്നു. മുൻനിശ്ചയിച്ചു പോകുന്ന യാത്രകളെകാൾ മധുരമുള്ളതു, ഏറെ അനിശ്ച്ചതത്വങ്ങൾ നിറഞ്ഞ അപ്രതീക്ഷിത യാത്രകളാണ്. അവയാണ് ജീവിതത്തിനു ഏറെ മാധുര്യം.
         
              ജോലി സംബന്ധമായാണ് മൂന്നാം തവണ ഗോവക്കു പോയത്. കഴിഞ്ഞ രണ്ടുതവണത്തെ യാത്രയിൽ ഗോവയിലെ ഏകദേശ സ്ഥലങ്ങളും സന്ദർശിച്ചതിനാൽ ഇന്റർവ്യൂന് ശേഷം മറ്റെവിടെയെങ്കിലും കറങ്ങാം എന്നായിരുന്ന മനസ്സിൽ. ഗോവയിൽ ഒരു ദിവസം ചിലവഴിച്ച ശേഷം എങ്ങോട്ടു പോകുമെന്ന ആലോചനയിലാണ് ഹംപി  പോയാലോ എന്ന ആശയം എന്റെയും സുഹൃത്തുക്കളുടെയും ഉള്ളിൽ കടന്നു വന്നത്. ശേഷം വഴിയ്യും യാത്രസൗകര്യങ്ങളും വിശദമായി പഠിച്ചു . അങ്ങനെ ഹംപിക്കു തന്നെ പോയിക്കളയാം എന്ന്  ഞങ്ങൾ തീരുമാനിച്ചു . ഒക്ടോബർ 11നാം  തീയതി വാസ്കോയിൽ നിന്നും  രാവിലെ  7  മണിക്കുള്ള  ട്രെയിനിൽ കയറി ഉച്ചക്ക്  ഹോസ്‌പെട്ടു എത്തിയ ശേഷം അവിടെ നിന്നും ഹംപിയിലേക്കു ബസ് മാർഗം പോകാൻ ആയിരുന്നു നിശ്ചയിച്ചത്  . വക്തിപരമായ അസൗകര്യങ്ങൾ ഉള്ളതിനാൽ സുഹൃത്തായ ആദിത്യന് യാത്രക്കൊപ്പം ചേരാൻ സാധിക്കില്ല എന്ന് അറിയിച്ച പ്രകാരം അദ്ദേഹത്തെ പഞ്ചിമിൽ നിന്നും പൂനെക്കുള്ള  ബസ് കയറ്റിവിടാൻ തീരുമാനിച്ചു. അങ്ങനെ അടുത്ത ദിവസം ഗോവ  കറങ്ങിയ ശേഷം വൈകിട്ട് 4 മണിയോടെ സുഹൃത്തിനെ കയറ്റി വിടാനായി പഞ്ചിം കടമ്പ ബസ് സ്റ്റാൻഡിൽ എത്തി. അപ്പോഴാണ് ഹംപിക്കു പോകുന്ന കർണാടക ആർ ടി സിയുടെ ബസ് ശ്രദ്ധയിൽപ്പെട്ടത് .കോണ്ടുക്ടറിനോട് വിവരങ്ങൾ ആരാഞ്ഞപ്പോൾ രാത്രി 8 മണിക്ക് പുറപ്പെട്ടു അടുത്ത ദിവസം രാവിലെ 6 മണിയോടെ ഹംപിയിൽ എത്തി ചേരും എന്ന് അറിയിച്ചു .പിന്നീട് രണ്ടിൽ ഒന്ന് ആലോചിക്കേണ്ടി വന്നില്ല ട്രെയിനിനെ അപേക്ഷിച്ചു ചെലവ് കുറച്ചു കൂടുതൽ ആയാലും യാത്ര സുഖവും സമയലാഭവും ഉള്ള കാരണം ബസിൽ തന്നെ പോകാൻ തീരുമാനിച്ചു .ഒരാൾക്ക് 650 രൂപയിരുന്നു സ്ലീപ്പർ ടിക്കറ്റ് നിരക്ക്.അങ്ങനെ സുഹൃത്തുക്കളായ കിരണും ശരണിനുമൊപ്പം 11നാം  തീയതി രാത്രി 8 മണിയോടെ ഞാൻ ഹംപി യാത്ര ആരംഭിച്ചു .

കല്ലുകളുടെ നാട്ടിലേക്കൊരു യാത്ര:

കുറെ നാളായുള്ള ആഗ്രഹം പൂവണിയാൻ പോകുന്ന എന്നുള്ള സന്തോഷത്തോടെ കർണാടക ട്രാൻസ്‌പോർട് ബസിൽ കയറി. ഏകദേശം നടുഭാഗത്തിയുള്ള സ്ലീപ്പർ തന്നെ ഞങ്ങൾക്ക് മൂന്നുപേർക്കും കിട്ടി. അടിയും  ഉലഞ്ഞും വളഞ്ഞു പുളഞ്ഞ വഴിയിൽ ബസ് നീങ്ങി .ആദ്യമൊക്കെ കുലുക്കം അരാജകമായി തോന്നിയെങ്കിലും യാത്രയിലെപ്പോഴോ ഉറങ്ങി പോയി.പിന്നീട് കണ്ണ് തറന്നപ്പോൾ 12 ആം തീയതി രാവിലെ 6 മണിയോടടുത്തു വണ്ടി ഹംപിയിലെത്തി .
ഞങൾ മൂവരും ബസിൽ നിന്ന് ഇറങ്ങിയതും ഇരകിട്ടിയ സിംഹങ്ങളെ പോലെ ഗൈഡ്കളും ടൂറിസ്റ്റ് ഏജന്റ്മാരും പലവശത്തു ഞങ്ങള്ക്ക് നേരെ ചാടി വീണു .
അറിയ്യാവുന്ന ഹിന്ദിയൊക്കെ വച്ച് പലരെയും ഒഴിവാക്കി നിക്കുമ്പോൾ ഒരു ഏജന്റ് ചീപ്പ് റേറ്റിൽ റൂം താരമെന്ന പറഞ്ഞു കൊണ്ട് ഞങ്ങളെ സമീപിച്ചു .എനിക്കും ശരണിനും ഹിന്ദി അത്ര വശമില്ല , കുട്ടത്തിൽ ഹിന്ദി അറിയാവുന്നതു കിരണിനു മാത്രം. എന്തായാലും  ഏറെ നേരത്തെ വാഗ്‌വാദങ്ങൾക്കൊടുവിൽ  അദ്ദേഹം ഞങളെ റൂമിലേക്ക് കുട്ടികൊണ്ട് പോയി . ഏറെ  നേരത്തെ വിലപേശലിനൊടുവിൽ ഒടുവിൽ 400 രൂപക്ക് ഒരു ദിവസത്തേക്ക്  റൂം തരാമെന്നു അയാൾ സമ്മതിച്ചു  . പ്രീമിയം റൂമുകൾ മുതൽ വളരെ  നിരക്ക് കുറവുള്ള  മുറികൾ ഹംപിയിൽ ലഭ്യമാണ്. സാധങ്ങളൊക്കെ മുറിയിൽ വച്ച ശേഷം ഒരു നെടുവീർപ്പിട്ടു. പ്രഭാതകൃത്യങ്ങൾക്കു ശേഷം  വർണമനോഹരിയായ ഹംപിയെ ചുറ്റാം  എന്ന് ഞങ്ങൾ തീരുമാനിച്ചു .  പ്രഭാതകൃത്യങ്ങൾക്കു ശേഷം അൽപനേരം വിശ്രമിച്ച ശേഷം ഞങ്ങൾ  മുറിയിൽ നിന്നും പുറത്തു ഇറങ്ങി .

ഇനി എങ്ങനെ ഹംപി റോന്തു ചുറ്റാം  എന്നായിരുന്നു  ഞങ്ങളുടെ  ചിന്ത.  വശ്യമനോഹാരിയായി ഏകദേശം 25 കിലോ മീറ്ററോളം  പടർന്നു പന്തലിച്ചു  കിടക്കുന്ന ഹംപിയെ ഒരു ദിവസം കൊണ്ട് കാൽനടയായി പ്രദിക്ഷണം വക്കുന്ന കാര്യം അസാധ്യം  .
പിന്നെ എന്ത് ചെയ്യും എന്നുള്ള ചോദ്യം മനസ്സിൽ കടന്നു വന്നു ..
ഓട്ടോറിക്ഷയിൽ കറങ്ങുന്നതും , ബൈക്ക് വാടകക്ക് എടുത്ത് കറങ്ങുന്നതും ഞങളുടെ ബഡ്ജറ്റിൽ സാധിക്കുന്ന  കാര്യങ്ങളല്ല..
എന്ത് ചെയ്യും എന്ന് ആലോചിച്ചു നിൽക്കുന്ന സമയത്തു ഏകദേശം 15 വയസ്സ് പ്രായം വരുന്ന  ഒരു പയ്യൻ ഞങ്ങളുടെ മുന്നിൽ ചാടി വീണിട്ടു പറഞ്ഞു
  "sir cycle sir 150 per person"
  
പിന്നെ ഒന്നും ചിന്തിക്കേണ്ട വന്നില്ല സൈക്കിൾ എടുത്തു കറങ്ങുക തന്നെ , പയ്യനോട് ഏറെ  നേരത്തെ വിലപേശലിനൊടുവിൽ  ഒരു സൈക്കിൾ 90 രൂപക്ക് തരാമെന്നു അവൻ സമ്മതിച്ചു .
അങ്ങനെ മുന്ന് സൈക്കിൾ വാടകക്ക് എടുത്തു  കറങ്ങാൻ ഇറങ്ങി .
ഭക്ഷണം കഴിച്ചതിനു ശേഷം കറങ്ങാം എന്ന് തീരുമാനിച്ചു .അങ്ങനെ ഹംപി ബസ് സ്റ്റേഷന്റെ മുന്നിലായുള്ള തല്ലുകടയിൽ ഞങ്ങൾ സ്ഥാനം പിടിച്ചു .
( ഞങ്ങൾ ഭക്ഷണം കഴിച്ച തട്ടുകട )

പുരിയും , ഇഡലിയും , മുളകുബജ്ജിയും ഞങ്ങളെ നോക്കി പുഞ്ചിരിച്ചു .ഒരു മധ്യവയസ്കനും , അദ്ദേഹത്തിന്റെ ഭാര്യയും മകളുമാണ് കട നടത്തുന്നത് .
മുന്ന് പേരും പൂരിയും ഇഡലിയുംകഴിച്ച ശേഷം ഓരോ കടുപ്പത്തിൽ ചായയും കുടിച്ചു . വളരെ നല്ല സ്വാദിഷ്ടമായ ഭക്ഷണം . ശേഷം, കഴിച്ചതിനു 100 രൂപ ആയെന്നു അറിയിച്ച പ്രകാരം രൂപ കൊടുത്തു ഞങ്ങൾ ഇറങ്ങി. വീണ്ടും വരണമെന്ന് കടക്കാരൻ നിറഞ്ഞ പുഞ്ചിരിയോടെ പറഞ്ഞു. ശരിയെന്നു ഞങ്ങളും .
 കാൽകുമ്പാരങ്ങൾക്കിടയിലൂടെ വളഞ്ഞു പുളഞ്ഞു കിടക്കുന്ന വഴിയും എത്തേണ്ട സ്ഥലങ്ങളും കണ്ടുപിടിക്കുന്നത് വളരെ ശ്രമകരമായ ജോലിയാണ് . ആയതിനാൽ അവിടെ നിന്നും ഹംപിയുടെ ഒരു മാപ് വാങ്ങിച്ചു കൈയിൽ വച്ചു .ഇനി അതിൽ നോക്കിയാവാം യാത്ര എന്ന് ഉറപ്പിച്ചു.

വിരുപക്ഷ ടെംപിൾ (virupaksha temple) :

 
          (വിരുപക്ഷ ടെംപിൾ, ചിത്രങ്ങൾ കടപ്പാട്: രോഹിത് ബാലകൃഷ്ണൻ )


ഹംപി ചരിത്രങ്ങൾ ഉറങ്ങി കിടക്കുന്ന വിരൂപാക്ഷ ടെംപിൾതന്നെ ആദ്യം സന്ദർശിച്ചു കളയാം എന്ന് വിചാരിച്ചു ഞങ്ങൾ മുന്നോട്ടു നീങ്ങി . ആകാശം മുട്ടി നിക്കുന്ന ഒരു പടുകൂറ്റൻ ഗോപുരം ഞങ്ങളെ വിരൂപാക്ഷ ടെംപിളിലേക്ക് വരവേറ്റു .
മാനംമുട്ടി നിക്കുന്ന ഗോപുരം തന്നെയാണ് വിരൂപാക്ഷ ടെംപിളിന്റെ ആകർഷണം .ഞങ്ങൾ ടെംപിളിന്റെ ഉള്ളിലേക്ക് കടന്ന ഉടൻതന്നെ  തന്നെ മണികിലുങ്ങുന്ന ശബ്ദം ചെവികളിലേക്ക് ഇരച്ചു കയറി .പെട്ടെന്ന് തന്നെ ഒരു പൂജാരി എന്തോ പൂജ  ദ്രവ്യം തളിച്ച് കൊണ്ട് അമ്പലത്തിനു ഉള്ളില്കൂടെ  നടക്കുന്നത് കണ്ടു. രാവിലത്തെ പൂജയുടെ ഭാഗമായുള്ള പ്രദിക്ഷിണം ആണ് സംഭവം.അനങ്ങാതെ ഞങ്ങൾ ആ ചടങ്ങുകൾ വീക്ഷിച്ചു.ശേഷം   ഞങ്ങൾ  ഉള്ളിലെ ശിവലിംഗ പ്രതിഷ്‌ഠയും മറ്റു വിഗ്രഹങ്ങളും ചുറ്റി നടന്നു വീക്ഷിച്ചു.


(വിരുപക്ഷ ടെംപിളിന്റെ ഗോപുരം )
ശിവനും പമ്പ ദേവിയുമാണ് ഇവിടുത്തെ പ്രതിഷ്ഠ് .അമ്പലത്തിലെ ഉൾവശത്തു ഇരുട്ടുള്ള ഭാഗത്തു  ഗോപുരത്തിന്റെ പ്രീതിബിംബം തലതിരിഞ്ഞു  പതിക്കുന്ന നിഴൽ കണ്ടു. അവിടെ നിന്നിരുന്ന  സ്വദേശിയായ ഗൈഡിനോട് ചോദിച്ചപ്പോൾ അത്  "Pin hole" എഫ്ഫക്റ്റ് ന്റെ ഫലമായി സംഭവിക്കുന്നതാന്നെന്നു പറഞ്ഞു .അക്കാലത്തും ഭാരതീയരുടെ  ശാസ്ത്രത്തിലുള്ള പരിജ്ഞാനം എന്നെ അത്ഭുതപ്പെടുത്തി . കല്ലില്‍ കൊത്തിവച്ചിരിക്കുന്ന ജന്തുജാലങ്ങളുടെ രൂപങ്ങളും ഹിന്ദു ഐതിഹ്യത്തില്‍ നിന്നുള്ള ചിത്രങ്ങളുമാണ് ക്ഷേത്രത്തെ മനോഹരമാക്കുന്നത്. ക്ഷേത്രത്തത്തിന്റെ അകത്തുനിന്നും പുറത്തു കടക്കുമ്പോൾ വലിയൊരു കുളം കാണാം . വലതു ഭാഗത്തായി നീണ്ടു നിവർന്നു കിടക്കുന്ന തുഗഭദ്ര നദി. വാനരന്മാരുടെ ഒരു പട തന്നെ അവിടെ കാണാൻ സാധിക്കും.
ഞങ്ങൾ അമ്പലത്തിന്റെ പുറത്തു ഇറങ്ങിയ ശേഷം തുങ്കഭദ്ര നദി ലക്ഷ്യമാക്കി നടന്നു . പടികൾ ഇറങ്ങി നദിയിലേക്ക് ചെന്നപ്പോൾ വിരൂപക്സ ക്ഷേത്രത്തിലെ കുറുമ്പനായ കുട്ടിയാന വെള്ളത്തിൽ കുസൃതി കട്ടി കുളിക്കുന്നത് കണ്ടു
(കുട്ടിക്കൊമ്പന്റെ നീരാട്ട് )
  അവന്റെ കുസൃതി സഹിക്ക വയ്യാതെ ഹാലിളകി നിൽക്കുന്ന പാപ്പാനുമുണ്ട് അവനൊപ്പം .
പാപ്പാൻ അവനെ കുളിപ്പിക്കുന്നത് കണ്ടപ്പോൾ
"എന്റെ ബാലഗോപാലനെ എണ്ണ തേപ്പിക്കുമ്പോ പാടടി  "
എന്ന പാട്ടു ഓർമയിൽ വന്നു .

കടലെകാലു  ഗണേശ ടെംപിൾ (kadalekalu Ganesha temple):

 

(കടലെകാലു ഗണേശ ടെംപിൾ )

അടുത്തായി ഞങ്ങൾ പോയത് കടലെകാലു ഗണേശ ടെംപിളിലാണ് .ഒരു ഗ്രീക്ക് നിർമിതിയെ ഓർമിപ്പിക്കും വിധയമിരുന്നു ഗണേശ ടെംപിൾന്റെ രൂപം .പൂർണമായും  കല്ലുകൊണ്ട് നിർമിച്ച നിർമിതി . അമ്പലത്തിന്റെ ഉൾവശത്തെക്ക് കയറിച്ചെല്ലുമ്പോൾ  ശ്രീകോവിലിൽ പൂർണമായും കല്ലിൽ തീർത്ത ഏകദേശം 15 അടി വലിപ്പമുള്ള  ഗണപതി ബിബം . 

(ഗണേശ ടെംപിളിനുള്ളിലെ ഗണേശ ബിബം )
പുരാണകഥാപാത്രങ്ങളെ കൊത്തിയ കൽതൂണുകൾ നീണ്ടുനിവർന്നു  അമ്പലത്തെ താങ്ങി നിർത്തുന്നത് വളരെ മനോഹരമായ കാഴ്ചയാണ് .അമ്പലത്തിന്റെ മുന്നിൽ നിന്നാൽ ഹംപി ബസാറിന്റെയും , മതങ്ങ കുന്നിന്റെയും വിദൂര ദൃശ്യം കണ്ണുകളെ കുളിരണിയിക്കും .

കൃഷ്ണ ടെംപിൾ (krishna temple):

ശേഷം മാപ്പ് നോക്കി അടുത്തതായി കൃഷ്ണ ടെമ്പിൾ സന്ദർശിക്കാം എന്ന് ഉറപ്പിച്ചു . സൈക്കിൾ എടുത്തു മുന്നിൽ കണ്ട വഴിയിലൂടെ ആഞ്ഞു  ചവിട്ടി . അൽപ്പ സമയത്തിനുള്ളിൽ തന്നെ കൃഷ്ണ ടെംപിളിന്റെ മുന്നിൽ എത്തി .
1513 എ .ഡി യിൽ കൃഷ്ണദേവരായയാണ് ശ്രീ കൃഷ്ണ ടെംപിൾ പണി കഴിപ്പിച്ചത് . 
പഞ്ചയാതന രീതിയിലാണ് കൃഷ്ണ ക്ഷേത്രം പണി കഴിപ്പിച്ചിരിക്കുന്നത് എന്ന് ക്ഷേത്രത്തിന്റെ മുൻപിള്ള ഇൻഫർമേഷൻ ബോർഡിൽ നിന്നും മനസിലായി  .

 
(കൃഷ്ണ ടെംപിളിന്റെ ഉൾവശം )

ഒരു ശ്രീകോവിലോടു കൂടിയ ആരാധനാലയവും വിശാലവുമായ നടുമുറിയും മണ്ഡപവും കൃഷ്ണ ക്ഷേത്രത്തിൽ  കാണാൻ സാധിക്കും . തൂണുകളിലും മണ്ഡപ ഭിത്തികളിലും നിർത്തമാടുന്ന പുരാണ കഥാപാത്രങ്ങൾ കൺകുളിർക്കെ കാണാൻ സാധിക്കുക തന്നെ ഒരു പ്രത്യേക ഭാഗ്യമാണ്. 
(കൃഷ്ണ ക്ഷേത്രത്തിന്റെ ഉൾവശം )

നിർഭാഗ്യവശാൽ കൃഷ്ണ വിഗ്രഹം  ശ്രീകോവിലിനുളളിൽ കാണാൻ സാധിച്ചില്ല, കാരണം  തിരക്കിയപ്പോൾ വിഗ്രഹം ഇപ്പോൾ ചെന്നൈ  മ്യൂസിയത്തിൽ സൂക്ഷിച്ചിരിക്കുകയാണെന്നു അറിയാൻ സാധിച്ചു  .അനേകം  കൊത്തു പണികളോടുകൂടിയ തൂണുകളും, ഭിത്തികളും , കല്ലുകൾ പാകിയ തറയും കൃഷ്ണ ക്ഷേത്രത്തിന്റെ ഭംഗിക്ക് ആക്കം കൂട്ടുന്നു . 

ഭൂമിക്കടിയിലെ ശിവ ക്ഷേത്രം (underground Shiva temple): 

(അണ്ടർഗ്രൗണ്ട് ശിവ ക്ഷേത്രത്തിന്റെ മുൻവശം)
കൃഷ്ണ ടെംപിളിൽ നിന്നും ഏകദേശം രണ്ടു കിലോ മീറ്ററോളം യാത്ര ചെയ്തപ്പോൾ   അണ്ടർഗ്രൗണ്ട്
ശിവ ക്ഷേത്രത്തിൽ എത്തി ചേർന്നു . ഭൂമിക്കടിയിലൊരു ശിവ ക്ഷേത്രം.  തറനിരപ്പിൽ നിന്നും താഴ്ന്നു നിൽക്കുന്ന ക്ഷേത്രമായത്കൊണ്ടാണ് ഇതിനെ അണ്ടർഗ്രൗണ്ട് ടെംപ്ളേ ടെംപിൾ എന്ന് വിളിക്കുന്നത് .ക്ഷേത്രത്തിനുള്ളിലേക്ക് ഇറങ്ങി ചെല്ലാനുള്ള പടികളുടെ രണ്ടു വശത്തായി  പട്ടുമെത്ത പോലെ പുൽത്തകിടി.

(അണ്ടർഗ്രൗണ്ട് ശിവ ക്ഷേത്രത്തിന്റെ ഉൾവശം,ചിത്രം കടപ്പാട് :രോഹിത് ബാലകൃഷ്ണൻ  )
പടികൾ താഴോട്ട് ഇറങ്ങി ചെന്നാൽ പ്രവേശകവാടം പോലെ തോന്നിക്കുന്ന , നിറച്ചും കൊത്തുപണികളാൽ മനോഹരമാമാക്കപ്പെട്ട ഒരു നിർമിതി.അതിനുള്ളിടെ അകത്തേക്കു നടന്നാൽ ഭൂഗർഭ ശിവ  ക്ഷേത്രത്തിലേക്ക് എത്തി ചേരും. താഴന്ന പ്രദേശമായിരിക്കുന്നതിനാൽ മിക്ക സമയവും ക്ഷേത്രത്തിനുള്ളിൽ വെള്ളം കെട്ടിക്കിടന്നു അകത്തേക്കുള്ള യാത്രക്ക് തടസം ഉണ്ടാക്കും. ശ്രീകോവിനുള്ളിൽ  ചെറിയൊരു ശിവലിംഗ പ്രതിഷ്ഠയുണ്ട് . ശ്രീകോവിൽ വവ്വാലുകൾ തങ്ങളുടെ വാസസ്ഥലമാക്കിയിരിക്കുന്നു . ബൃഹത്തായ തുണകൾ ക്ഷേത്രത്തെ താങ്ങി നിർത്തുന്നു . അസാധ്യമായ  കലാവിരുതിനാൽ മെനഞ്ഞ ഈ ക്ഷേത്രം തികച്ചും ഒരു മനോഹരമായ കാഴ്ചയാണ്.

മുസ്ലിം പള്ളി (The mosque:)

 

  (ദി മോസ്ക്ക്)

 

ശിവ ക്ഷേത്രത്തിൽ നിന്നും ഇടത്തോട്ടു സഞ്ചരിച്ചാൽ എത്തി ചേരുന്നത് മോസ്ക്കിലാണ് . ഏതു നിര്മ്മിച്ചിരിക്കുന്നത് ഇൻഡോ - ഇസ്ലാമിക രീതിയിലാണ് .
തറ നിരപ്പിൽ നിന്നും കുറച്ചു ഉയരത്തിലാണ് മോസ്കിന്റെ പ്രതലം . കുറച്ചു പടികൾ കയറിയൽ മോസ്കിന്റെ ഉൾഭാഗത്തു പ്രവേശിക്കാം . മുന്ന് വശങ്ങളും അടച്ചു , മുൻവശം  ഒരു സ്റ്റേജ് പോലെ തോന്നുന്ന രീതിയിലാണ് മോസ്കിന്റെ രൂപം . മോസ്കിന്റെ അടുത്ത് തന്നെ ഒരു വാച്ച് ടവറും കാണാൻ സാധിക്കും.

സൈക്കിൾ തന്ന പണി: 

(പഞ്ചറായ എന്റെ സൈക്കിൾ )
മോസ്ക്കും, മഹാനവമി ദിബ്ബയും കണ്ടശേഷം സൈക്കിളിലിൽ ഒരു ഓഫ്‌റോഡ് ഡ്രൈവ് പോകാമെന്നു തീരുമാനിച്ചു , കല്ലും മണ്ണും പാകിയ ചെറിയ  വഴിയിലൂടെ അടുത്ത സ്ഥലത്തേക്ക് നീങ്ങി . നിർഭാഗ്യം എന്ന് പറയട്ടെ, വലിയ ഒരു മുള്ളു തറച്ചു എന്റെ  സൈക്കിൾ പഞ്ചറായി ഒരടി പോലും മുന്നോട്ടു പോകാൻ സാധിക്കാത്ത അവസ്ഥയായി .എന്തും ചെയുമെന്നറിയാതെ മുന്ന് പേരും കണ്ണിൽ കണ്ണിൽ നോക്കി മിഴിച്ചു നിന്നു. എന്തായാലും റോഡിലേക്ക് ഇറങ്ങി പഞ്ചർ ഒട്ടിക്കാൻ ഒരു വഴി കണ്ടു പിടിക്കാൻ തീരുമാനിച്ചു .
കുറെ ദുരം സൈക്കിൾ ഉന്തി മുന്നോട്ടു പോയപ്പോൾ ആടുകളുമായി ഒരു ഹംപി സ്ത്രീ വരുന്നത് കണ്ടു . കന്നഡ അറിയാത്തതിനാൽ അറിയാവുന്ന മുറി ഹിന്ദിയും ആംഗ്യ  ഭാഷയും വച്ച് കാര്യം അവരെ ബോധിപ്പിച്ചു .
അവിടെ നിന്നും രണ്ടു കിലോ മീറ്റർ മുന്നോട്ടു പോയി  കമലാപുർ എന്ന സ്ഥലത്തു എത്തിയാൽ പഞ്ചർ ഒട്ടിയ്ക്കാൻ സാധിക്കും  എന്ന് അവർ പറഞ്ഞു .ഞങ്ങൾ കാമലാപുർ ലക്ഷമാക്കി നീങ്ങി .

ക്വീൻസ് ബാത്ത് :

പഞ്ചറായ സൈക്കിളും ഉന്തി എത്തി ചേർന്നത് നേരെ ക്വീൻസ് ബാത്തിന്റെ മുന്നിൽ. പിന്നെ രണ്ടിലൊന്ന് ആലോചിക്കാതെ അതിന്റെ ഉൾവശം ലക്ഷമാക്കി നീങ്ങി.
                                      (ക്വീൻസ് ബാത്ത്)

 
രണ്ടു വശത്തും പുല്തകിടിയുള്ള ഒരു മൺ  പാത ഞങ്ങളെ ക്വീൻസ് ബാത്തിലേക്കു ആനയിച്ചു . രണ്ടുമൂന്ന് വിദേശ സഞ്ചാരികളെയും അവിടെ കാണാൻ സാധിച്ചു . ഏകദേശം 30 ചതു.അടി  വലുപ്പമുള്ള ഒരു ചതുര കെട്ടിടം .ഉള്ളയിലേക്കു കയറി ചെല്ലുമ്പോൾ 15 ചതു.അടി വലുപ്പമുള്ള  ഒരു കുളം .വിജയനഗര കൊട്ടാരത്തിലെ  രാജപത്നിമാർക്കു  കുളിക്കുവാൻ വേണ്ടി അച്യുതരായ  രാജാവ് പണികഴിപ്പിച്ചതാണ് ക്വീൻസ് ബാത്ത് എന്നാണ് വിശ്വസം . എല്ലാ വശങ്ങളിലും കുളത്തിനുളളിക്ക് കാഴ്ച എത്തുന്ന  വിധമുള്ള ബാല്കണികളും ജനാലകളും .


(ക്വീൻസ് ബാത്തിന്റെ ഉൾവശം )

കുളത്തിനു മുകളിലായി തുറന്ന ആകാശം കാണാം . പാതിനശിച്ച തൂണുകൾ മുഗൾ രാജാക്കന്മാരുടെ ആക്രമണത്തിൽ തകർന്നതാണെന്നു വിശ്വസിക്കുന്നു .

ജൈന ക്ഷത്രം (Jain Temple:)

ക്വീൻസ് ബാത്ത് വിശദമായി കണ്ടു , പിന്നീട്   കമലാപുർ ചെന്ന് പഞ്ചർ ഒട്ടിച്ചു. അവിടൊരു  ഹോട്ടലിൽ കയറി ഉച്ച ഭക്ഷണം  കഴിച്ച ശേഷം ഞങ്ങൾ  യാത്ര പുനരാരംഭിച്ചു.സൈക്കിൾ എടുത്ത് അടുത്ത ഉദ്ദിഷ്ടസ്ഥാനാമായ വിറ്റാല ടെംപിൾ  ലക്ഷ്യമാക്കി നീങ്ങി.

(ജൈന ക്ഷത്രം)

 അതിന്റെ ഇടയിൽ ഭീമ ഗേറ്റ്  , ജെയിൻ ടെംപിൾ എന്നുള്ള ബോർഡ് കണ്ടത് . നേരെ ഭീമ ഗേറ്റ് വച്ച് പിടിച്ചു .അവിടെ കാര്യമായിട്ടു കാണാൻ ഒന്നും ഇല്ല . ഒരു ഭീമാകാരനായ മതിൽ .പണ്ട് കാലത്തു വിജയനഗര സാമ്രാജ്യത്തിലേക്കു പ്രേവശികാനുള്ള കവാടമായിരുന്നു ഭീമാ ഗേറ്റ് . ഭീമന്റെയും ഹനുമാന്റെയും ചിത്രങ്ങൾ ഈ ഭീമാകാരനായ മതിലിൽ കൊത്തിയിട്ടുണ്ട് .
അത് കണ്ടതിനു ശേഷം നേരെ ജൈന ക്ഷേത്രത്തിലേക്ക്. ജൈന ക്ഷേത്രത്തിന്റെ ഏറ്റവും മുന്നിലായി ഒരു കൊടിമരം പോലെ താന്നിക്കുന്ന  തൂൺ ആകാശം മുട്ടി നിക്കുന്നു .നേരെ ക്ഷേത്രത്തിന്റെ  ഉള്ളിലേക്ക് പ്രവേശിച്ചു .അകത്തു അകെ ഇരുട്ടു . ശ്രീകോവിലിനുള്ളിൽ വിഗ്രഹങ്ങളോ പ്രതിഷ്ഠയോ ഒന്നും കാണാൻ സാധിച്ചില്ല . ഹരിഹരൻ രണ്ടാമന്റെ കാലത്താണ് ഈ ജൈന ക്ഷേത്രം പണികഴിപ്പിച്ചിതു . ഈ അവശേഷിപ്പുകൾ ഹിന്ദു മതത്തോടൊപ്പം ജൈന മതവും നിലനിന്നിരുന്നതായി മനസിലാക്കി തരുന്നു.

 വിറ്റാലാക്ഷേത്രം (Vittala Temple):

ജൈന ക്ഷേത്രത്തിൽ  നിന്നും ഏകദേശം 6 കിലോമീറ്ററോളം സൈക്കിൾ ചവിട്ടി വിട്ടാല ടെംപിളി എത്തി ചേരാൻ . സൈക്കിൾ ഭദ്രമായി പാർക്ക് ചെയ്ത ശേഷം 30 രൂപ വച്ച് ഒരാൾക്ക് സന്ദർശക പാസ് എടുത്ത ശേഷം ടെംപിളിന്റെ ഉള്ളിലേക്ക് പ്രവേശിച്ചു  

                           (വിറ്റാലാക്ഷേത്രം)


ഹംപിയിൽ ഒഴിച്ച്  കൂടാൻ ആവാത്ത ഒരു സ്ഥലമാണ് വിറ്റാല ക്ഷേത്രം .
വിട്ടാല് ക്ഷേത്രത്തിന്റെ ഭംഗിയും, ആഡംബരവും , കലാചാരുതയും വർണിക്കാൻ വാക്കുകൾ തികയില്ല.
മഹാവിഷ്ണുവിന്റെ അവതാരമായ വിട്ടാലെയാണ് എവിടെ പ്രതിഷ്ഠിച്ചിരിക്കുന്നത് .ദേവരായ രണ്ടാമൻ മഹാരാജാവിന്റെ കാലത്താണ് വിറ്റിട്ടാല ക്ഷേത്രം നിർമിച്ചിരിക്കുന്നത് .  


(വിറ്റാലാ ക്ഷേത്രത്തിലെ ശിൽപ്പം  )

 പലതരം രചനശില്പങ്ങളും , ശില്പകലകളും , കൊത്തുപണികളും ക്ഷേത്രത്തിന്റെ പലവശത്തായി കാണാൻ സാധിക്കും.അതിമനോഹരമായി നിർമിച്ച പ്രവേശന  കവാടം കയറി ഉള്ളിലേക്ക് ചെല്ലുമ്പോൾ
ഒത്ത നടുക്കയിട്ടു  ഒരു രഥത്തിന്റെ ശിൽപ്പം കാണാം . വശങ്ങളിലായി മണ്ഡപങ്ങളും മറ്റും കാണാം .വിറ്റാലാ ക്ഷേത്രത്തിന്റെ ഉള്ളിൽ കയറിയാൽ പുണ്യ പുരാണ  കഥാപത്രങ്ങളെ കൊത്തിയെടുത്തിരിക്കുന്ന മനോഹരമായ തൂണുകൾ ദൃശ്യമാകും .
(കൊത്തുപണികൾ ടെർത്തൊരു തൂണുകൾ )





വർണിക്കാൻ ആവാത്തത്ര ഭംഗിയിലാണ് വിട്ടാല ക്ഷേത്രത്തിന്റെ നിർമാണം . ഭാരതത്തിന്റെ തനിമ വിട്ടാല ക്ഷേത്രത്തിന്റെ നിർമാണത്തിൽ കാണാൻ സാധിക്കും.


തുങ്കഭദ്രക്കു കുറുകെ:


വിറ്റാല ടെംപിളിലെ വർണമനോഹരമായ കാഴ്ചകൾ കണ്ട ശേഷം ഞങൾ അടുത്ത ലക്ഷ്യമായ മങ്കി ടെംപിളിലേക്കു യാത്ര തിരിച്ചു . ഏകദേശം മുന്ന് കിലോമീറ്ററോളം യാത്ര ചെയ്തു തുങ്കഭദ്ര നടിയുടെ തീരത്തു എത്തി . നടികടന്നു പോയാൽ മാത്രമേ മങ്കി ടെംപിളിൽ എതാൻ സാധിക്കും . നദി കടക്കാൻ  ബോട്ടും , കൊട്ടവഞ്ചി കടത്തുമുണ്ട്. ബോട്ടിൽ യാത്ര ചെയ്യാൻ ഒരാൾക്ക് 10 രൂപയാണ് നിരക്ക് , സൈക്കിളിനു 10 രൂയാണ് നിരക്ക് .ഞങ്ങൾ മൂന്നുപേരും ബോട്ടിൽ കയറി ,സൈക്കിളെയും ബോട്ടിൽ കയറ്റി ഭദ്രമായി വച്ചു .തുങ്കഭദ്ര നദിയുടെ ഓളങ്ങൾക്കൊപ്പം  ഞങ്ങൾ  കയറിയ ബോട്ടും മെല്ലെ അക്കരയിലേക്കു നീങ്ങി .
(ബോട്ടിൽ നദിക്കു അക്കരെക്കു )

കുറച്ചു സമയം കൊണ്ട് അക്കരെ എത്തി യാത്ര ആരംഭിച്ചു .
മങ്കി ടെംപിളിലേക്കു കടവിൽ നിന്നും ഏകദേശം മുന്ന് കിലോമീറ്ററോളം ഉണ്ട് . സൈക്കിൾ എടുത്തു ആഞ്ഞങ്ങു ചവിട്ടി .വീതി കുറഞ്ഞ റോഡിന്റെ ഇരുവശത്തുമായി വർണശബളമായ നെൽപ്പാടങ്ങളും വാഴത്തോപപ്പുകളും  പാറക്കെട്ടുകളും , കുറച്ചു സമയത്തേക്ക് ഞാൻ കേരളത്തിലൂടെയാണോ യാത്ര ചെയ്യുന്നതെന്ന് എനിക്ക് തോന്നിപോയി .ഇടയ്ക്കു വിശ്രമിച്ചും കുസൃതികൾ കട്ടിയും സൈക്കിൾ സവാരി ഞങ്ങൾ ആസ്വദിച്ചു . ദുരം പിന്നിട്ടത് ഞങ്ങൾ അറിഞ്ഞതേയില്ല .അങ്ങനെ ഞങ്ങൾ അഞ്ജനയാദ്രി കുന്നിന്റെ ചുവട്ടിലെത്തി .സൈക്കിൾ ഭദ്രമായി വച്ച് പൂട്ടിയിട്ട ശേഷം കുന്നു കയറ്റം ആരംഭിച്ചു .

മങ്കി ടെംപിൾ (Monkey Temple):


(ആജ്ഞയാദ്രി കുന്നിനു മുകളിലെ ആഞ്ജനേയ ക്ഷേത്രം )
പുണ്യപുരാണമായ  രാമായണത്തിലെ മുഖ്യ കഥാപാത്രമായ ഹനുമാൻ ജന്മമെടുത്തത് അഞ്ജനയാദ്രി കുന്നിലാണു എന്നാണ്  വിശ്വസം .അങ്ങനെയുമാണ് ഈ കുന്നിനു ആഞ്ജനേയദ്രി കുന്നു എന്ന പേര് കിട്ടിയത് .ആനന്ദം സിനിമയിൽ മങ്കി ടെംപിൾ കണ്ടപ്പോൾ മുതൽ ഇവിടം സന്ദർശിക്കണം  എന്ന് വല്ലാത്ത ആഗ്രഹമായിരുന്നു മനസ്സിൽ .കുത്തനെ വളഞ്ഞു പുളഞ്ഞു കിടക്കുന്ന 575 തോളം പടികൾ കയറി കുന്നിന്റെ മുകളിൽ എത്തി .കുന്നിന്റെ മുകളിൽ സൂര്യഅസ്തമയം കാണാൻ എത്തിയ സന്ദർകരുടെ തിരക്കുന്നുണ്ടിരുന്നു .
(മങ്കി ടെമ്പിളിന് മുകളിൽ നിന്നുള്ള ഹംപിയുടെ ദൃശ്യം )





അന്ജയദ്രി കുന്നിന്റെ മുകളിൽ ഒരു ചെറിയ അഞ്ജയ ക്ഷേത്രം .
കുന്നിന്റെ മുകളിൽ നിന്നാൽ ഹംപി മൊത്തം ദൃശ്യമാകും . എണ്ണിത്തിട്ടപെടുത്താനാവാത്ത അത്ര കല്ലുകൾ , വാഴത്തോട്ടങ്ങൾ ,നെൽവയലുകൾ  , വീടുകൾ ഇവയുടെയെല്ലാം വിദൂരമായ ആകാശദൃശ്യം അക്ഷര അർഥത്തിൽ നയനമനോഹരം .
ക്ഷേത്രത്തിൽ പൂജയും ഭജനയുമൊക്കെ നടക്കുന്നുണ്ടിരുന്നു .അവിടെയുള്ള സഞ്ചാരികക്കൊപ്പം ഞങ്ങളും സൂര്യ അസ്തമയം കാണാൻ പാറയുടെ മുകളിൽ കയറി ഇരുപ്പു ആരംഭിച്ചു . നിർഭാഗ്യം എന്ന് പറയട്ടെ ഒരു പടുകൂറ്റൻ മേഘം സൂര്യന്റെ  നേരെ മുന്നിലായിട്ടു നിലയുറപ്പിച്ചു . അൽപ്പ സമയത്തിന് ശേഷം മേഘം അവിടെ നിന്നും നീങ്ങിമാരും എന്ന് പ്രതിഷിച്ചു ഞങ്ങൾ എല്ലാരും പടിഞ്ഞാറു നോക്കി ഇരിപ്പായി . ഞങളുടെ പ്രതീക്ഷ അസ്ഥാനത്തായി , മേഘം നീങ്ങിയില്ലെന്നു മാത്രമല്ല സൂര്യ അസ്തമയവും അത് മറച്ചു .അതോടെ പാറപുറത്തു നിന്നും  നിന്ന് ഇറങ്ങി ക്ഷേത്രത്തിന്റെ ഉള്ളിൽ പ്രവേശിച്ചു അവിടുത്തെ കാഴ്ചകൾ ആസ്വദിച്ചു. ക്ഷേത്രത്തിന്റെ അകത്തു ശ്രീകോവിലിൽ ഹനുമാന്റെ ഒരു ശില്പമുണ്ട് . അടുത്ത മുറിയിൽ രണ്ടു മുന്ന് പേര് ഭജന നടത്തുണ്ട് . ആരാധനാ മുറിയിൽ ഒരു രമശില പ്രദർശിപ്പിച്ചിട്ടുണ്ട് . പവിഴപുറ്റുപോലെ തോന്നിക്കുന്ന ഒരു വസ്തു ഒരു വെള്ളം നിറച്ച ഒരു ചതുര പെട്ടിയിൽ പൊങ്ങി കിടക്കുന്നു .സമയം ഒരു 7.30  മണിയോടെ അടുത്തപ്പോൾ  കുന്നിറങ്ങി  തിരികെ കടവിലേക്ക് പോകാൻ ഞങ്ങൾ തീരുമാനിച്ചു   .അതിലും എളുപ്പവഴി വല്ലതുമുണ്ടോ എന്നറിയാൻ വേണ്ടി കുന്നിൻ ചരിവിലുള്ള ഒരു വ്യാപാരിയെ സമീപിച്ചു.

അപ്പോഴാണ് കടത്തു വൈകിട്ട്  6 മണി വരെയുള്ളു എന്ന് അറിയാൻ സാധിച്ചത്. ചിപ്പോൾ കൊട്ടവഞ്ചി കാണാൻ സാധ്യത ഉണ്ട് എന്നും അദ്ദേഹം അറിയിച്ചു . അല്ലെങ്കിൽ 15 കിലോമീറ്റർ ചുറ്റി  പോകണം എന്ന് അദ്ദേഹം അറിയിച്ചു . ഫോണിൽ ചാർജുമില്ല കൈയിലാണെങ്കിൽ വെട്ടവുമില്ല , ഈ അവസ്ഥയിൽ  15 കിലോമീറ്റർ സൈക്കിൾ സവാരി ദുഷ്കരം . എന്തായാലും ഭാഗ്യം പരീക്ഷിച്ചിട്ടു തന്നെ കാര്യം, മുന്ന് പേരും കടവിലേക്ക് സൈക്കിൾ എടുത്തു ചവിട്ടി ,ഒടുവിൽ എങ്ങനെയൊക്കെയോ കടവത്തു എത്തി .
കടവിൽ അകെ ഇരുട്ട് , പണി പാളി മക്കളെ എന്ന് ഞാൻ സുഹൃത്തുക്കളോട്  പറഞ്ഞു . പെട്ടെന്ന് അപ്പുറത്തെ കടവിൽ നിന്നും ഒരു ശബ്ദം .
അക്കരെ നിന്നും ഇക്കരേക്ക് കൊട്ടവഞ്ചിയിൽ ആളുകൾ വരുന്നു .വഞ്ചി കരക്ക്‌ എത്തിയപ്പോൾ വഞ്ചിക്കാരനോട് അക്കരക്കു പോകണമെന്ന്ആവശ്യപ്പെട്ടു . ഇന്നത്തെ കടത്തു  നിന്നു  ഇനി  പോകണമെങ്കിൽ ഒരാൾക്ക്  300 രൂപ വച്ച് തരണം എന്ന്  അയാൾ ആവശ്യപ്പെട്ടു . കൈയിൽ അത്രക് കാശില്ല എന്ന് ഞങ്ങളും .ഒടുവിൽ കുറെ നേരത്തെ ശ്രമത്തിനൊടുവിൽ ശേഷം 300 രൂപക്ക് (എങ്ങോട്ടു വന്നപ്പോൾ 3 പേർക്കും കുടി 60 രൂപ ) അക്കരെക്കു കടത്താം എന്ന് അയാൾ സമ്മതിച്ചു . അങ്ങനെ നിലാവൊക്കെ ആസ്വദിച്ചു അക്കരെ എത്തി .ഏറെ നാളുകൾക്കു ശേഷം ഒരു പകലു മൊത്തം സൈക്കിൾ ചവിട്ടിയതിന്റെ ക്ഷീണം . എന്തായാലും സൈക്കിൾ ഭദ്രമായി തിരികെ ഏല്പിച്ചു .ഭക്ഷണം കഴിച്ച ശേഷം റൂമിൽ ചെന്ന് സുഖ നിദ്ര . എന്തായാലും ഞങ്ങളുടെ ഉള്ളിൽ പെട്ടെന്ന് ഉദിച്ചൊരു  യാത്ര ജീവിതത്തിൽ മറക്കാൻ ആവാത്ത ഒരു എടാകുമെന്നു വിചാരിച്ചില്ല.

PS:യാത്രവിവരണം നീണ്ടുപോകും എന്നുള്ളതിനാൽ സന്ദർശിച്ച മുഴുവൻ സ്ഥലങ്ങളും ഉൾപ്പെടുത്തിയിട്ടില്ല . പ്രധാനപ്പെട്ട സ്ഥലങ്ങളെല്ലാം  ഉൾപ്പെടുത്തിയിട്ടുണ്ട് .

കേരളത്തിൽ നിന്നും ഹംപിക്ക് യാത്ര ചെയ്യാൻ :

റെയിൽവേ സ്റ്റേഷൻ : ഹോസ്‌പെട്ടാണ് ഹംപിയ്ക്കു അടുതുള്ള റെയിൽവേ സ്റ്റേഷൻ (ഹംപിയിൽ നിന്ന്  12 കിലോ മീറ്റർ ദുരം )

  • കേരളത്തിൽ നിന്നും നേരെ ബാംഗ്ലൂർ ചെന്നിട് അവിടെ നിന്നും ഹോസ്പെട്ടേക്കു ട്രെയിൻ കയറുകയോ /
  •  മൈസൂർ ചെന്നിട്ട് അവിടെ നിന്നും  ഹോസ്പെട്ടേക്കു ട്രെയിൻ കയറുകയോ ആവാം 

      അടുതുള്ള പ്രധാന നഗരങ്ങൾ : 

  • ബാംഗ്ലൂർ (350 കിലോമീറ്റർ ,മൈസൂർ (400 കിലോമീറ്റർ )

  • ഹംപിയിൽ നിന്ന് മൈസൂർ വരെ യാത്ര ചെയ്യാൻ ഏകദേശം  14 മണിക്കൂർ എടുക്കും 

     

 ഹംപിയിൽ യാത്ര ചെയ്യുമ്പോൾ ശ്രദ്ധിക്കണ്ടേ കാര്യങ്ങൾ  :

  1.  ഹംപിയുടെ ഒരു മാപ്പ് കൈയിൽ കരുതുക , സ്ഥലങ്ങളെ പറ്റി മനസിലാക്കാൻ അവ സഹായിക്കും
  2.  തുങ്കഭദ്ര നദി കടന്നു പോകുകയാണെങ്കിൽ 6 മണിക്കുമുന്നെ തിരിച്ചു കടക്കുക (സൈക്കിൾ / ബൈക്കിൽ ആണെങ്കിൽ ) അല്ലെകിൽ കടത്തുണ്ടാകില്ല / അവർ അമിത നിരക്ക് ഈടാക്കും
  3. ഹംപിയിൽ നിന്നും സൈക്കിൾ /ബൈക്ക് വടക്കു എടുക്കുമ്പോൾ ടയറിൽ കാറ്റുടെന്നും  , പെട്രോൾ ഉണ്ടെന്നും മറ്റു കുഴപ്പങ്ങൾ ഇല്ലെന്നും ഉറപ്പു വരുത്തുക 

    -ആശിഷ് കെ ശശിധരൻ

Wednesday, 20 September 2017

ചിരിയുടെ ഉത്തരം ..!!


എല്ലാവരുടേം ജീവിതത്തിലും കാണും പറഞ്ഞതും, പറയാതെ പറഞ്ഞതുമായ പ്രണയങ്ങൾ . മറക്കാൻ ആഗ്രഹിക്കത്തും , ഓർക്കാൻ ആഗ്രഹിക്കാത്തതുമായ
 പ്രണയങ്ങൾ .
ഓർക്കുമ്പോൾ ഉള്ളിൽ മഞ്ഞുരുകുന്നു സുഖമുള്ള പ്രണയം ..




പ്ലസ് ടു ജീവിതമൊക്കെ കഴിഞ്ഞു, ഇളം  കാറ്റിലാടുന്ന കൊടിതോരണങ്ങൾക്കു നടുവിലൂടെ തെല്ലും ഭയത്തോടെ കോളേജിലേക്കു കാലെടുത്തു വച്ച കാലം.

കോളേജിന്റെ മലർവാടി തോപ്പിലും , കോണിപ്പടികളികളിലും ഭാവിയെ ചിന്തിച്ചു വ്യാകുലപെട്ട് നിൽക്കുന്ന അനേകം പ്രണയജോഡികൾ  ..
അതിലൊന്നായി നിക്കണം എന്ന് ആഗ്രഹം ഉണ്ടായിരുന്നെങ്കിലും  നിർഭാഗ്യവശാൽ  എനിക്ക് അതിനു സാധിച്ചില്ല .

“പ്രണയം കാറ്റിനെപ്പോലെയാണ്. കാണാനാവില്ല, അനുഭവിക്കാനേ പറ്റൂ.” - നിക്കോളാസ് സ്പാര്‍ക്ക്സ്


കോളേജ് ജീവിതം ആസ്വദിച്ചു പോകുന്നതിനിടയിൽ എന്നോ ഒരു ദിനം എന്റെ കണ്ണുകൾ ഹിന്ദി ക്ലാസ്സിൽ കമ്പയിൻ പഠനത്തിന് വന്ന രണ്ടു ഉണ്ട കണ്ണുകളുമായി ഉടക്കി . മറ്റുകണ്ണുകളിൽ നിന്നും ആ കണ്ണുകളോടോ എന്തോ എനിക്ക് ഒരു ആരാധന തോന്നി .പിന്നീടുള്ള വിരസമായാ  പല ഹിന്ദികളിലും ആ കണ്ണുകൾ എനിക്ക് ജീവൻ നൽകി .ആ കണ്ണുകളുടെ നിർത്തത്തിൽ  ഞാൻ അലിഞ്ഞു ചേർന്നു .ആ കണ്ണുകളോടുള്ള ആരാധന പതിയെ ആ കണ്ണിന്റെ ഉടമയോടും തോന്നി തുടങ്ങി ..
ഒളിച്ചും പാത്തും പ്രണയം ആസ്വദിച്ച ദിനങ്ങൾ. അവൾ അറിയാതെ അവളെ പിൻതുടർന്ന ദിനങ്ങൾ .


സെക്യൂരിറ്റി അച്ചായൻ  എത്തുന്നതിനു മുന്നേ കോളേജ് ഗേറ്റിറ്റു കാവൽ നിന്നതും , കോളേജിന്റെ നടുവഴിയിൽ അവളെ കാണാൻ "പാടത്തെ കോലം" പോലെ നിന്നതൊക്കെ ഓർക്കുമ്പോൾ അറിയാതെ മനസ്സിൽ ഒരു പുഞ്ചിരി വിടരും. എന്റെ കോഷ്ടികളൊക്കെ  ആസ്വദിച്ചു ചിരിക്കാതെ ചിരിക്കുന്ന അവളുടെ മുഖം കാണുമ്പോൾ എനിക്ക് തട്ടത്തിൻ മറയത്തിലെ നിവിൻ പോളിയെ ഓർമ്മവരും (എന്റെ സാറെ ചുറ്റുള്ളതൊന്നും കാണാൻ പറ്റൂല )

8:45 ന്റെ ശിവശക്തി ബസിനു എത്തുന്ന അവളെ  കാണാൻ കൈവഴി ചാടി തൊട്ടും വരമ്പേൽ കൂടെ 7:30 മണിയുടെ "മണ്ണിൽ"  ബസ് പിടിക്കാൻ പായുന്ന മരണപ്പാച്ചിൽ എന്ത് രസായിരുന്നു ...

"അധികം വൈകാതെ അവളോട്‌ ഇഷ്ടമാണെന്നു പറഞ്ഞട്ടിക്ക് തന്നെ കാര്യം"
എന്റെ മനസ് എന്നിട് മന്ത്രിച്ചു ..
അത് സിനിമയിലെ പോലെ അത്ര  എളുപ്പമുള്ള  കാര്യാമലെന്നു  അനുഭവത്തിൽ നിന്ന് മനസിലായി . വളരെ ദിവസത്തെ കാത്തിരിപ്പിനു ശേഷം  ഇതാ  ഒരു അവസരം  കൈവന്നിരിക്കുന്നു ..
കെമിസ്ട്രി ലാബ് പരീക്ഷ കഴിഞ്ഞു അവള് ദാ  ഒറ്റക് ഇരിക്കുന്നു ....
പിന്നെ ഒന്നും നോക്കിയില്ല പടച്ചോനെ മിന്നിച്ചേക്കണേ എന്നും പറഞ്ഞു രണ്ടും കല്പിച്ചു അങ്ങ് ചെന്നു 
അവളുടെ അടുത്തു  ചെന്നിട്ടു പയ്യെ ആ മുഖത്തേക്കൊന്നു  നോക്കി ....
(എന്തോ പന്തികേട് ഒപ്പിക്കാനുള്ള പുറപ്പാടാണെന്നു അവക്ക് മനസിലായി)
അൽപ്പം ഗൗരവത്തിൽ അവൾ എന്നോട് "മ്മ് എന്താ ?"
ആ ചോദ്യത്തിൽ വന്ന കാര്യം അങ്ങ് മറന്നു ..സംഭരിച്ച  ധൈര്യവും ചോർന്നു ...
"പരീക്ഷ എങ്ങനെ ഉണ്ടാരുന്നു"  ഞാൻ ചോദിച്ചു
കുഴപ്പമില്ലെന്ന് മറുപടി
പേടിച്ചു തിരിഞ്ഞു പോകാൻ മനസ്സ് അനുവദിച്ചില്ല ....അവിടെ മുഖത്ത് നോക്കി എനിക്ക് നിന്നെ ഇഷ്ടമാണ് പറഞ്ഞു ...
അടിപൊളി പിന്നീട് അങ്ങോട്ട് അവളു  കണ്ടാലും മിണ്ടാതെ ആയി ..
അവള് ഇന്ത്യയും ഞാനും പാകിസ്ഥാനും ....
ഇടക്കൊക്കെ ഞാൻ പോയി മിണ്ടും , ദേഷ്യം പിടിപ്പിക്കും , കമന്റ് അടിക്കും അങ്ങനെ പല പ്രകോപനങ്ങളും ..
പക്ഷെ ഇന്ത്യ നിശബ്തതയോടെ തന്നെ പാകിസ്താനെ  നേരിട്ട് ...
ഒന്നാം വർഷ ഡിഗ്രി കാലത്തു  പറഞ്ഞ പ്രണയത്തിനു മറുപടി കിട്ടാൻ രണ്ടു കൊല്ലം കാത്തിരിക്കേണ്ടി വന്നു ...
ഒരൂസം  ആ പെണ്ണ് ചിരിച്ചോണ്ട് മുഖത്തു നോക്കി പറയുവാ എനിക്ക് ഇഷ്ടമല്ലെന്നു ...
അവളുടെ ചിരിക്ക് പല വ്യാഖ്യനങ്ങളും  ഞാൻ സ്വയം അങ്ങ് നൽകി ...
പാവം എന്നെ ഭയങ്കര ഇഷ്ടമാ.. വീട്ടുകാരെയൊക്കെ പേടിച്ചു പാവം എല്ലാം മനസ്സിൽ ഒതുക്കി വച്ചിരിക്കുവാ ...അങ്ങനെ പലതും ..
.കൂട്ടുകാരൊക്കെ കാമുകിമാരുടെ കൂടെ പോയി ജീവിതം ആസ്വദിച്ചപ്പോൾ  ഞാൻ ഒറ്റക് കോളേജിന്റെ ഭംഗി ആസ്വദിച്ചു നടന്നു.

കോളേജ്   ജീവിതം പരിസമാപ്തിയിലേക്കു കൊതിച്ചുകൊണ്ടിരിക്കുന്ന  സമയത്തു എന്റെ ഒരു മഹാനായ കൂട്ടുകാരൻ അവളെ കണ്ടു (എന്റെ കിളി പോയ അവസ്ഥ കണ്ടിട്ടായിരിക്കണം ) എനിക്ക് വക്കാലത്തു പിടിക്കാൻ ശ്രമിച്ചു .

അവൻ അവളോട് ചോദിച്ചു
ഡീ  നിനക്കനവനോട് ഇഷ്ടമാണെന്നു പറഞ്ഞൂടെ ....
വളരെ വിനയകുലീനായി അവളൊറ്റ പറച്ചിൽ
"എന്റെ പട്ടി പറയും അവനോട് ഇഷ്ടമാണെന്നു "
വൗ ..അവളുടെ മറുപടി അറിഞ്ഞപ്പോളെ ബുർജ് ഖലീഫയുടെ വലിപ്പമുള്ള ഒരു ചീട്ടു കൊട്ടാരം എന്റെ ഉള്ളിൽ തകർന്നു വീണു ....
പാവം എന്റെ കുഞ്ഞു മനസിന് അത് താങ്ങാനായില്ല  ...
വർഷങ്ങൾക്കു  ശേഷം  അവളോട് തെല്ലും ദേഷ്യമില്ലാതെ ഇതു  കുത്തികുറിക്കുമ്പോൾ  കഴിഞ്ഞു പോയതൊക്കെ ഓർത്തു ചിരിവരുമ്പോഴും ഉത്തരം കിട്ടാത്ത ഒരു ചോദ്യം ഇന്നും അവശേഷിക്കുന്നു ??

അവളെന്തിന് ആയിരിക്കും ഇഷ്ടമല്ലെന്നു പറഞ്ഞപ്പോൾ ചിരിച്ചത്‌ ...

ആ തമ്പുരാനറിയാം kalabhavanmani.Jpg....

(എന്നെകിലും ഉത്തരം കിട്ടുമെന്ന പ്രതീക്ഷയോടെ )

-ആശിഷ്‌ കെ ശശിധരൻ

Tuesday, 18 July 2017

മരണത്തിന്റെ അനുവാദം




കാതോലിക്കേറ്റ് കോളേജിൽ (Pathanamthitta Catholicate College) മൂന്നാം വര്ഷം ബിരുദത്തിനു പഠിക്കുന്ന കാലം . ചെറിയൊരു ചാറ്റൽ മഴക് ശേഷം പ്രകൃതി കുതിർന്ന പൂഴിയുടെ ഗന്ധം ആസ്വദിച്ചു കൊണ്ട് ഇരിക്കുന്നു. മൂന്നാം വർഷ ഭൗതികശാസ്ത്ര ബിരുദ ക്ലാസ്സിൽ അദ്ധ്യാപകയുടെ  ശബ്ദ  കാഹളങ്ങൾ മുഴങ്ങി കൊണ്ടേയിരിക്കുന്നു .സമവാക്യങ്ങൾ തിരമാലകൾ പോലെ ബോർഡിൽ അകത്തല്ലികൊണ്ടേ ഇരിക്കുന്നു.
ആ തിരമാലകളിൽ ഊളയിട്ടു ശ്രെദ്ധയുടെ കൊടുമുടിയിൽ നിൽക്കുന്ന വിദ്യാർഥികൾ ...
വിഷയത്തിന്റെ ആകാംഷ പല പെൺകുട്ടികളുടെ മുഖത്തു കാണാം ...
 
എന്നത്തേയും പോലെ കടൽ തീരത്തു തിര എണ്ണിക്കൊണ്ടിരിക്കുന്ന  പോലെ അവസാനത്തെ ബെഞ്ചിൽ വേറെ ഏതോ ലോകത്തിൽ റോന്തു ചുറ്റിക്കൊണ്ടിരിക്കുന്ന രണ്ടു വിദ്യാർഥികൾ ...

വേറെ ആരും അല്ല ഒന്ന് ഞാനും മറ്റേത് എന്റെ പ്രിയ സുഹൃത്തു ബാസിതും ....
ഇടക്കിടെ ഡിപ്പാർട്ട്മെന്റ് പ്രധാന അദ്ധ്യാപകൻ (HOD) പുറത്തുകൂടെ കൂടെ മാർച്ച് ചെയ്തു പോകുന്നുണ്ട് .ആ കാഴ്ച അല്പനേരത്തേക്കു എന്നെ റിപ്പബ്ലിക്ക് ദിന പരേഡിലേക്കു കൂട്ടികൊണ്ടു പോയി.
ക്ഷീണിച്ചു  അവശയനായ ക്ലോക്ക് പയ്യെ ഓടുന്നുണ്ട് , പക്ഷെ എന്ത് കൊണ്ടോ സമയം മുന്നോട്ട് പോകുന്നില്ല .
 
അങ്ങനെയിരിക്കെ വിശപ്പിന്റെ വിളി പതിയെ ഞങ്ങളിലേക്ക് കടന്നുവന്നു തുടങ്ങി .

ചോറ് പൊതിയിൽ എന്തായിരിക്കും എന്ന് വേവലാതിപ്പെട്ടു ഇരിക്കുന്ന ഞാനും , എന്ത്‌ കുരുത്തക്കേട് ഒപ്പിക്കാം എന്ന് അവനും ...
പയ്യെ പയ്യെ മുൻ ബെഞ്ചിരിക്കുന്ന പയ്യന്മാരെ ഞങ്ങൾ ചെറുകെ  തോണ്ടാൻ തുടങ്ങി ..
പുറകിൽ നിന്ന് ഇക്കിളി ഇടുമ്പോൾ സിംഹം സട കുടയുന്നു പോലെ അവന്മാരുടെ ഒരു പുളച്ചിലുണ്ട് ..
അത് കാണാൻ പ്രേത്യേക രസമാ ...
പിന്നെ പെൺകുട്ടികളുടെ മുടിയിൽ പേപ്പർ വിമാനം ഉണ്ടാക്കി കുത്തി നിർത്തി  ..
ഇതൊക്കെയാണ് ഞങ്ങളുടെ പ്രധാന  വിനോദങ്ങൾ  ..

അങ്ങനെയിരിക്കെ ഞങ്ങളുടെ കുരുത്തക്കേടുകൾ അദ്ധ്യാപിക ശ്രെദ്ധികുനുണ്ടായിരുന്നു ...
ക്ലാസ്സിന്റെ തുടർച്ച  പോകേണ്ട എന്ന് കരുതി ടീച്ചർ എല്ലാം ക്ഷെമിച്ചു ...

പക്ഷെ ബാസിത്തിന്റെ കുരുത്തക്കേട് അദ്ധ്യാപികയുടെ ഭാഷയിൽ പറഞ്ഞാൽ  ഞൊളപ്പ് കുടി കുടി വന്നു ..
നിയത്രണം നഷ്‌ടമായ പാക്കിസ്ഥാൻ റോക്കറ്റ് പോലെ ആശാൻ എന്തൊക്കെയോ കട്ടികൂട്ടികൊണ്ടിരുന്നു. 
വിശപ്പ് കാരണം വയറു കാളാൻ തുടങ്ങിയപ്പോ മുൻപിൽ ഇരിക്കുന്ന പെൺകുട്ടിയുടെ കൈയിൽ നിന്ന് അവൻ ഇത്തിരി വെള്ളം വാങ്ങി കുടിച്ചു ...

ഇതുകൂടി കണ്ടതോടെ  അദ്ധ്യാപകയുടെ ക്ഷമയുടെ നെല്ലിപലകയിളക്കി
കാതടപ്പിക്കുന്ന ഒച്ചയിൽ മിസ് കണ്ണുകൾ പുറത്തേക്ക് തള്ളിച്ചു കൊണ്ട്  ശകാരിച്ചു കൊണ്ട് പറഞ്ഞു

"ബാസിത് നിനാക്കു ലേശം പോലും അടങ്ങി ഇരിക്കാൻ വയ്യേ , ഇനി ക്ലാസ്സിൽ വച്ച്  എന്ത് ചെയ്യണം എങ്കിലും എന്നോട് ചോദിച്ചിട്ടു ചെയ്താൽ മതി , ഇനി ഇതു ആവർത്തിച്ചാൽ  ഇറക്കി വിടും പറഞ്ഞേക്കാം "
ഈ അലർച്ച കേട്ടതോടെ ക്ലാസ് നിശബ്ദം, ശബ്ദത്തിന്റെ ഗാംഭീര്യത്തിൽ എന്റെ ഉള്ള വിശപ്പും ശമിച്ചു .

പതിഞ്ഞ  സ്വരത്തിൽ അവൻ പറഞ്ഞു ..
"ശരി  മിസ് "...

ശ്രെദ്ധ ക്ലാസ്സിലേക്ക് എത്തിക്കാൻ ഞാൻ ഏറെ പണിപ്പെട്ടുകൊണ്ടേയിരുന്നു .
 
കുറച്ചു നേരത്തിനു ശേഷം ബാസിത് എഴുനേറ്റു ചോദിച്ചു
"മിസ് ഒരു ഡൌട്ട് "!!
എല്ലാവരുടെയും കണ്ണുകൾ അത്ഭുതത്തോടെ  ബാസിതിനു നേരെ.
ഈശ്വര ഇവന് ഡൗട്ടോ ??
എന്ന് മറ്റുള്ളവരുടെ  നോട്ടത്തിൽ നിന്ന്  വായിച്ചെടിക്കാൻ സാധിക്കും.

"ആ ചോദിക്ക് എന്ന് മിസ്സും "

അൽപ്പം പരുങ്ങലോടെ ബാസിത്

"ക്ലാസ്സിൽ ഇരുന്നു മരണം സംഭവിച്ചാൽ  മരിക്കാമോ മിസ്സ് , അതോ അതിനും അനുവാദം ചോദിക്കണോ 😑 "

ക്ലാസ്സിലാകെ ചിരി പടർന്നു ...
ദേഷ്യപ്പെട്ടു നിന്ന മിസ് ഒരു വിടർന്ന പുചിരി കൊണ്ട് അവന്റെ ചോദ്യത്തിനു  ഉത്തരം നല്കി. ഇമ്മാതിരി വളിപ്പടിച്ചാൽ തല്ലി  കൊല്ലുവാ വേണ്ടത് . എന്നാലും മിസ് അങ്ങനെ ചെയ്തില്ല, എല്ലാം മിസ്സിന്റെ മഹാമനസ്കത.

എന്തായലും അവന്റെ ഒടുക്കത്തെ ഡൗട്ടും കൊണ്ട്  ആശാനിപ്പം  അങ്ങ് ദുഫായിയിലെ ഷെയിക്കാ  .....

Catholicate College Lifestories...

Friday, 14 July 2017

തൊടിയിലെ ഔഷധങ്ങൾ

ലോകത്തിലെ ഏറ്റവും പഴക്കം ചെന്ന ചികിത്സാരിതികളിലൊന്നും പ്രകൃതിയുടെ വരദാനവുമാണ് ആയുര്‍വേദം. ആരോഗ്യ സംരക്ഷ്ണത്തിലുപരി ആയൂസിന്റെ അഥവാ ആത്മാവിന്റെ  വിശിഷ്ട്ടമായ അറിവ് പ്രദാനം ചെയ്യുന്ന വേദം കൂടിയാണ് പഞ്ചമവേദമായ ആയുര്‍വേദം.
ടെക്നോളജിയുടെ നീരാളിപിടിത്തത്തിൽ ഇഴകിചേർന്ന് ജീവിക്കുന്ന ഞാനടക്കമുള്ള പുതു തലമുറക്ക് തൊടിയിലെ ഒറ്റമൂലികളെ
പരിചയപെടാനെവിടെയാണ് നേരം ?
അക്കരണമാണ് എങ്ങനയൊരു പോസ്റ്റ് എഴുതാൻ എന്നെ പ്രേരിപ്പിച്ചത് .
മുത്തശ്ശിയാൽ പരിചയപ്പെട്ട തൊടിയിലെ ഒരുക്കൂട്ടം ഒരു കൂട്ടം ഒറ്റമൂലികളെ ഒന്ന് പരിചയപ്പെടാം  ..


കുടങ്ങൽ:

(കുടങ്ങൽ)
കൊടങ്ങല്‍, കൊടവന്‍ എന്നീ പേരുകളില്‍ അറിയപ്പെടുന്ന ഔഷധസസ്യത്തിന്റെ പ്രാധാന്യ മേറിവരികയാണ്. ഔഷധകമ്പോളത്തില്‍ കുട ങ്ങല്‍ പ്രധാന ചേരുവയാക്കിയ നിരവധി ഉല്പന്ന ങ്ങള്‍ ഇന്നുണ്ട്.
കുടങ്ങലിന്റെ നീര് ആയുസ്സിനെ വര്‍ദ്ധിപ്പിക്കുന്ന തും രോഗങ്ങളെയകറ്റുന്നതും ശരീരത്തിന് ബല വും വണ്ണവും തരുന്നതും സ്വത്തെയും ബുദ്ധിയെ യും വര്‍ദ്ധിപ്പിക്കുന്നതുമാണ്.  
ഇതുകൂടാതെ ത്വക് രോഗങ്ങള്‍, മൂത്രാശയ രോഗങ്ങള്‍, പനി, ശ്വാസകോശ സംബന്ധമായ രോഗങ്ങള്‍, മനോരോഗം എന്നിവ യിലെല്ലാം കുടങ്ങല്‍ ഉപയോഗിക്കാന്‍ നിര്‍ദ്ദേശിക്ക പ്പെട്ടിരിക്കുന്നു.

  • 1. കുടങ്ങല്‍ സമൂലം അരച്ചെടുത്ത്, നാലിലൊന്ന് ഇരട്ടിമധുരപ്പൊടിയും ചുക്കും ചേര്‍ത്ത് ദിവസവും സേവിക്കുന്നത് ശരീരപുഷ്ടിക്ക് നല്ലതാണ് (അഷ്ടാംഗഹൃദയം, ചികിത്സ 3), 
  •  2. കുടങ്ങലിന്റെ ഇല നെയ്യില്‍ വറുത്തെടുത്ത്(10 -20 ഗ്രാം വരെ) ദിവസവും ശീലിക്കുന്നത് കുട്ടികള്‍ ക്ക് ബുദ്ധിശക്തി വര്‍ദ്ധിക്കുവാനും ശരീരപുഷ്ടി ക്കും നല്ലതാണ്.(അഷ്ടാംഗഹൃദയം, ഉത്തരസ്ഥാ നം 39)
  •  3. ശരീരത്തിലുണ്ടാകുന്ന ചെറിയ കുരുക്കള്‍ വേഗ ത്തില്‍ ശമിക്കുവാന്‍ കുടങ്ങല്‍ സമൂലം അരച്ചെടു ത്തത് ലേപനം ചെയ്യാവുന്നതാണ്. (ഗദനിഗ്രഹം)
  •  4. കുടങ്ങലിന്റെ ഇലയുടെ നീര് ദിവസവും രാവിലെ സേവിക്കുന്നത്(10 മി.ലി) മനസ്സിന് ഉണര്‍വും ഉന്മേ ഷവും നല്കും. ശരീരത്തിന് ബലവും നിറവും വര്‍ ദ്ധിക്കാനും നല്ലതാണ്. (ചരകസംഹിത, ചികിത്സാ സ്ഥാനം 1) 
  • 5. മഞ്ഞപ്പിത്തം ബാധിച്ചിരിക്കുമ്പോള്‍ കുടങ്ങലി ന്റെ നീരില്‍ (10 മി.ലി) നാലിലൊന്ന് നെല്ലിക്കാപൊ ടി സ്വല്പം തേനില്‍ ചാലിച്ച് കഴിക്കുകയോ പാ ലില്‍ കലര്‍ത്തി സേവിക്കുകയോ ചെയ്യാം. (വൈദ്യ മനോരമ) 


ധാരാളം വെള്ളം ലഭിക്കുന്ന സ്ഥലങ്ങളില്‍ പടര്‍ന്നു വളരുന്ന ചെറിയ ചെയിടാണ് കുടങ്ങല ഇലക ളുടെ ഞെട്ടുകള്‍ ആരംഭിക്കുന്ന സ്ഥലത്തു നിന്നു തന്നെ പൂവുകളും അതിന് സ്വല്പം അടിയിലായി വേരുകളും വളര്‍ന്നു കാണപ്പെടുന്നു. വേരുകള്‍ ഉ ള്ള ഞെട്ടുകള്‍ അടര്‍ത്തിയെടുത്ത് ജൈവവളം നി റച്ച പോളിത്തീന്‍ ബാഗുകളിലും ചെടിച്ചട്ടികളിലും കുടങ്ങല്‍ വളര്‍ത്തിയെടുക്കാവുന്നതുമാണ്. ഒന്നി ടവിട്ട ദിവസങ്ങളില്‍ വെള്ളം നനച്ചുകൊടുക്കേണ്ട ത് ആവശ്യമാണ്. ഔഷധാവശ്യങ്ങള്‍ക്ക് ഇലപറി ച്ചെടുത്ത് നിഴലില്‍ ഉണക്കി സൂക്ഷിച്ചുവെക്കുക യും ചെയ്യാം

കയ്യോന്നി:


(കയ്യോന്നി )
കഫവാത ഹരമായ ഒരു ഔഷധിയാണ് കയ്യോന്നി, കൈയ്യുണ്യം . കുടൽ‌പ്പൂണിനും, കാഴ്ചശക്തിയുടെ വർദ്ധനയ്ക്കും,കേശസംരക്ഷണതിനും, കരൾ സംബന്ധമായ രോഗങ്ങൾക്കു ഉപയോഗിക്കുന്നു.ഇത് നല്ലഒരു വേദനസംഹാരിക്കുടിയാണ്. സാധരണയായി മൂന്നു വിധം വെള്ള,മഞ്ഞ, നീല.
കയ്യോന്നി നീരിൽ കയ്യോന്നി തന്നെ കൽക്കമാക്കി എണ്ണ കാച്ചിതേച്ചാൽ തലമൂടി വളരുകയും തലവേദന കുറയുകയും ചെയ്യും. കാഴ്ചശക്തി വർദ്ധിക്കും. വെള്ള, മഞ്ഞകയ്യോന്നി 10ഗ്രാം വിതം എടുത്ത് തേങ്ങാ പാലിലോ പശുവിൻ പാലിലോ അരച്ചു ദിവസം രണ്ടു നേരം വീതം സേവിച്ചാൽ മഞ്ഞപിത്തം , രക്തകുറവ് എന്നിവ മാറും.1/2 ഔൺസ് കയ്യോന്നി നീരി 1ഔൺസ് ആവണക്കെണ്ണയിൽ രാവിലെ ഇടവിട്ടിടവിട്ട ദിവസങ്ങളിൽ കുടിച്ചാൽ ഉദരകൃമി മാറും.

പൂവാംകുറുന്നില:

(പൂവാംകുറുന്നില)

നമ്മുടെ തൊടിയിലും പറമ്പിലും കാണപ്പെടുന്ന മറ്റൊരു ഔഷധ സസ്യമാണ് പൂവാംകുറുന്നില .പൂവാംകുറുന്നില വെള്ളം തൊടാതെ പിഴിഞ്ഞ് നീരെടുത്ത് കണ്ണിൽ ഒഴിക്കുന്നത് ചെങ്കണ്ണ് കുറയ്ക്കും.അണുബാധ ഉണ്ടാകാതിരിക്കാൻ ഇല ചെറുചൂടുവെള്ളത്തിൽ കഴുകി നനവു മാറ്റി ഉപയോഗിക്കാം. പനി, തൊണ്ടവേദന എന്നിവ മാറ്റാൻ പൂവാംകുറുന്നില നീരിൽ സമം തേൻ ചേർത്ത് കഴിക്കണം.പൂവാംകുറുന്നില ഇടിച്ചു പിഴിഞ്ഞനീരിൽ വെളുത്ത കോട്ടൺ തുണി മുക്കിയുണക്കി കത്തിച്ചെടുക്കുന്ന കരി എണ്ണയിൽ ചാലിച്ച് കണ്ണെഴുതാം

കീഴാർനെല്ലി:

(കീഴാർനെല്ലി)

സാധാരണ വയൽ പ്രദേശങ്ങളിലും നീർവാഴ്ചയുള്ളതുമായ പ്രദേശങ്ങളിൽ കാണപ്പെടുന്ന ഒരു സസ്യമാണ്‌ കീഴാർ നെല്ലി. ഇത് യുഫോർബിക്കാ എന്ന സസ്യകുടുംബത്തിലെ ഒരു അംഗമാണ്. ശാഖകളോട് കൂടിയതും തണ്ടിന് പച്ച, ചുവപ്പ് എന്നീ നിറങ്ങളിലും കാണപ്പെടുന്ന ഒരു ഔഷധമാണിത്. മലയാളത്തിൽ കിരുട്ടാർ നെല്ലി എന്ന പേരിലും അറിയപ്പെടുന്നു. ഇവയുടെ ഇലകൾ തണ്ടിൽ‍ നിന്നും മാറി ശാഖകളിൽ രണ്ടു വശങ്ങളിലായ് കാണപ്പെടുന്നു. ഇലയ്ക്ക് വെള്ള കലർന്ന പച്ച നിറമോ, കടും പച്ച നിറമോ ആയിരിക്കും. വളർന്ന് കഴിയുമ്പോൾ ഇലകളുടെ അടിയിലായി മഞ്ഞ കലർന്ന പച്ച നിറത്തിലുള്ള‍ പൂക്കളുണ്ടാകുന്നു. കീഴ്കാനെല്ലി, കീഴാനെല്ലി, കീഴുക്കായ് നെല്ലി എന്നും അറിയപ്പെടുന്നു.

മഞ്ഞപ്പിത്തം, പനി, മൂത്രാശയരോഗങ്ങൾ എന്നിവയ്ക്ക് കീഴാർ നെല്ലി ഔഷധമായി ഉപയോഗിക്കുന്നു. കീഴാർ നെല്ലി എണ്ണ കാച്ചി ഉപയോഗിക്കുന്നത് തലമുടി വളരാൻ ഉത്തമമാണ്. കൂടാതെ ശൈത്യഗുണമുള്ളതു കൊണ്ട് ശരീരത്തിലുണ്ടാകുന്ന മുറിവിനും, ശരീരത്തിനുള്ളിലെ വ്രണങ്ങൾക്കും ആയുർവ്വേദത്തിൽ മരുന്നായി ഉപയോഗിക്കപ്പെടുന്നു. മൂത്രവർദ്ധകമാണ്. ദഹനത്തെ സഹായിക്കും. വാത രോഗികൾക്ക് നല്ലതല്ല. 

ആടലോടകം :

                                   (ആടലോടകം)

 നാട്ടുചികിത്സാ ശാഖയിൽ പ്രമുഖസ്‌ഥാനമുള്ള ഔഷധച്ചെടിയാണ് ആടലോടകം. നെഞ്ചിലെ കഫക്കെട്ടുമാറ്റാൻ അദ്ഭുത കഴിവുള്ള ഈ ഔഷധ സസ്യം ആയുർവേദ ഔഷധ നിർമാണത്തിൽ ഏറെ പ്രധാനമാണ്. ഇന്നു ലഭിക്കുന്ന എല്ലാ കഫ് സിറപ്പുകളിലേയും മുഖ്യഘടകമാണ് ഇത്. 


വാശാരിഷ്‌ടത്തിലെ പ്രധാന ചേരുവ ആടലോടകമാണ്. കനകാസവത്തിനും ഈ ചെടിയുടെ വേര് ഉപയോഗിക്കുന്നു. ഈ സസ്യം കേരളത്തിലുടനീളം കാണപ്പെടുന്നു. കാലവർഷാരംഭത്തിൽ കമ്പുകൾ മുറിച്ച് നട്ട് തെങ്ങിൻതോപ്പുകളിലും പറമ്പുകളിലും വളർത്താം. ചാണകപ്പൊടി വളമായി ഉപയോഗിക്കാം. ഓരോ വീട്ടുവളപ്പിലും ഈ സസ്യം നട്ടുവളർത്തിയാൽ കൊച്ചുകുട്ടികൾക്കും മുതിർന്നവർക്കും ഗൃഹവൈദ്യമായി ഉപയോഗപ്പെടുത്താം.

കൊച്ചുകുട്ടികൾക്കു ജലദോഷത്തോടൊപ്പം കഫം ഇളകി മാറ്റുന്നതിനും ആടലോടക ഇലയുടെ സ്വരസം അഞ്ച് മില്ലി തുല്യ അളവിൽ തേനും ചേർത്ത് ദിവസം പലതവണ കൊടുക്കാം. ആടലോടകം സമൂലം അരിഞ്ഞ് 30 ഗ്രാം 750 മില്ലി വെള്ളത്തിൽ കഷായം വച്ച് 100 മില്ലിയാക്കി അല്പം തിപ്പല്ലിപ്പൊടി ചേർത്ത് സേവിക്കുന്നത് ചുമയ്ക്കും ശ്വാസവൈഷമ്യത്തിനും സിദ്ധൗഷധമാണ്. രക്‌തപിത്തം എന്ന അസുഖത്തിന് ആടലോടകത്തിന്റെ സ്വരസവും ചന്ദനവും അരച്ച് 15 മില്ലി വീതം രാവിലെയും വൈകുന്നേരവും പതിവായി ഉപയോഗിച്ചാൽ രക്‌തപിത്തം ശമിക്കും. ആർത്തവം അധികമായാൽ ആടലോടകത്തിന്റെ ഇലയുടെ നീര് കഴിക്കുന്നത് നന്ന്. ആടലോടകത്തിന്റെ വേര് അരച്ച് നാഭിക്ക് പുരട്ടിയാൽ പ്രസവം വളരെ വേഗത്തിൽ നടക്കും.

തവിഴാമ:



(തവിഴാമ)

ആയുര്‍വേദ ഔഷധങ്ങളിലെ ഏറ്റവും പ്രധാനമായ മൂലികകളില്‍ ഒന്നാണ്
 തവിഴാമ അല്ലെങ്കില്‍ പുനര്‍ന്നവ അതുമല്ലെങ്കില്‍  തഴുതാമ . ഈ ചെടി നിലത്ത്  പറ്റി പടര്‍ന്നു വരുന്നു.തവിഴാമ കഴിച്ചാല്‍ പുനര്‍ജ്ജന്മം ലഭിയ്ക്കും എന്ന അര്‍ത്ഥത്തില്‍ ആണ് "പുനര്‍ന്നവ" എന്ന പേര് വന്നത്. തവിഴാമ സമൂലം ഔഷധത്തിന് ഉപയോഗിക്കാം.നീര് ,പിത്തം ,ചുമ,ഹൃദ്രോഗം എന്നിവയ്ക്ക്  തവിഴാമ വളരെ ഫല പ്രദം ആണ്.
തടി കുറക്കാനും ശരീരത്തില്‍ കെട്ടികിടക്കാനിടയുള്ള അനാവശ്യദ്രാവകങളുടെ നിര്‍മ്മാജനതിനും, വയസ്സാകുന്ന പ്രവര്ത്തനങ്ങളെ മന്ദീകകരിപ്പിക്കാനും  ആരോഗ്യവും ഓജസ്സും വര്ധിപ്പിക്കാനും, ശരീരത്തിന്റെ രോഗ പ്രതിരോധശക്തി വർധിക്കാനും, 
ഹൃദയ രോഗ നിവാരണത്തിന്, വിശപ്പുണ്ടാകാനും ദഹനപ്രക്രിയകളുടെ നല്ല പ്രവര്ത്തനത്തിനും, സ്ത്രീ രോഗങ്ങള്ക്ക് , ആര്ത്തവ ചക്രക്രമീകരണങ്കള്ക്ക് , വയറ്റിലളക്കം മുതലായവക്ക്‌, കിഡ്നിയിലെ നീര്‍ക്കെട്ടിനും  അതിന്റെ ശരിയായ പ്രവര്ത്തനത്തിനും, കിഡ്നി അണുബാധ, കല്ല് ഇവ ഇല്ലാതാക്കാന്‍ , ലിവര്‍ സംബന്ധിയായ സിരോസീസിനും ജോണ്ടിസിനും മറ്റും തവിഴാമ ഉപയോഗിക്കും.

 മുത്തങ്ങ:
(മുത്തങ്ങ)

നമ്മുടെ നാട്ടിൽ സർവ്വസാധാരണമയി കാണുന്ന പുല്ലാണ് മുത്തങ്ങ.
ഇതിന്റെ കിഴങ്ങ് ഔഷധനിർമ്മാണത്തിന്നു ഉപയൊഗിക്കുന്നു.ഒരു യൗവനദായക ഔഷധമാണ് മുത്തങ്ങ. വയറിളക്കം മാറുന്നതിനും മുലപ്പാല്‍ വര്‍ദ്ധിക്കുന്നതിനും നാട്ടുചികിത്സയില്‍ മുത്തങ്ങ ഇന്നും ഉപയോഗിച്ചുവരുന്നു. ചെറുകിഴങ്ങില്‍ ധാരാളം ജലം അടങ്ങിയിട്ടുണ്ട്. ഇത് ദാഹശമനത്തിന് ഉത്തമമാണ്. പ്രധാനമായും ചെറുമുത്തങ്ങ, കുഴിമുത്തങ്ങ എന്നിങ്ങനെ രണ്ടുതരം മുത്തങ്ങയാണ് നമ്മുടെ നാട്ടില്‍ കണ്ടുവരുന്നത്. ചെടിയുടെ നെറുകയില്‍ ആന്റിന പോലെ ഉയര്‍ന്നു നില്‍ക്കുന്ന പൂന്തണ്ടും ചുവട്ടിലെ കിങ്ങിണിക്കിഴങ്ങുകളും നറുമണവും കൊണ്ട് മുത്തങ്ങയെ തിരിച്ചറിയാന്‍ കഴിയും.
മുത്തങ്ങകിഴങ്ങ് ആരും മൊരിയും കളഞ്ഞ് വൃത്തിയാക്കി മോരില്‍ തിളപ്പിച്ചു കഴിച്ചാൽ കുട്ടികളിലുണ്ടാകുന്ന ദഹനക്ഷയം, വയറുവേദന, ഗ്രഹണി, അതിസാരം എന്നിവയ്ക്ക് ശമനം ഉണ്ടാക്കും.ഉണക്കിപ്പൊടിച്ച് തേന്‍ ചേര്‍ത്തും കൊടുക്കാം.മുത്തങ്ങ സേവിക്കുന്നതും അരച്ച് സ്തനലേപനം ചെയ്യുന്നതും മുലപ്പാല്‍ വര്‍ദ്ധിപ്പിക്കുവാൻ സഹായിക്കും

തുടരും .....

(*ചിത്രങ്ങൾ-തൊടിയിൽ നിന്നും ഞാൻ എടുത്തവ 

*വിവരങ്ങൾ-വിക്കിപീഡിയ  )

Thursday, 13 July 2017

കൊച്ചുരാമനെന്ന കൊടും ഭീകരൻ



ഓർമ്മവെച്ച കാലോം തൊട്ടു കേൾക്കാൻ തുടങ്ങിയ പേരാണ് കൊച്ചുരാമൻ .
90 കാലഘട്ടത്തിലെ എല്ലാ കുസൃതി ബാലന്മാരെയും പോലെ
മഴത്തുള്ളിയെ പ്രണയിച്ച, കുറ്റിയും കോലിനോടും കഥകൾ പറഞ്ഞ , കമ്പു വണ്ടിക്കൊപ്പം ഓടി തീർത്ത ബാല്യം.
മാമുണ്ണാൻ അമ്മ നിർബന്ധിക്കുബോൾ ,
എനിച്ചു വേണ്ടമ്മേന്നു പറയുമ്പോൾ
ഒരു ഗർവായ ശബ്ദത്തിൽ അമ്മ പറയും
കൊച്ചുരാമൻവിളിക്കണോ ?
വേഗം മമ്മുണ് അല്ലെങ്കിൽ 'അമ്മ ഇപ്പൊ  കൊച്ചുരാമനെ വിളിക്കും !

കൊച്ചുരാമൻ വല്ല ഭീകരനാണോ ?
എന്റെ  മനസിൽ സംശയങ്ങളും ഊഹാപോഹങ്ങളും കൂടുകുത്തി
"ആരാണമ്മേ കൊച്ചുരാമൻ "
'അമ്മ പറയും ,
മാമുണ്ണാത്തവരെ കൊച്ചുരാമൻ പിടിച്ചു കൊണ്ട് പോകും !
 മരണഭയത്താൽ അറിയാതെ മാമുണ്ടു പോകുമ്പോളും ,
കൊച്ചുരാമനെ കാണണം എന്നുള്ള അതിയായ ആഗ്രഹം .

അങ്ങനെയിരിക്കെ ആ ദിവസം കടന്നെത്തി ..
ദാ കൊച്ചുരാമൻ പോകുന്നു മോനെ ..
അമ്മ പറഞ്ഞു

ഭയത്തോടെയും അൽപ്പം ആശ്ചര്യത്തോടെയും ഞാൻ നോക്കി ..

ഒരു കുറിയനായ മനുഷ്യൻ ,
തന്നെതാനെ  പിറുപിറുത്തു കൊണ്ട് റോഡിലൂടെ കയറ്റം ഇങ്ങനെ കയറിപോകുന്നു,
കുഴിഞ്ഞ കണ്ണുകൾ , ചകിരി നാരുപോലത്തെ ചുരുണ്ട മുടി , കറത്തിരുണ്ട മഴക്കാറുപോലത്തെ ശരീരം ,
ഓരോ ചുവടു മുന്നോട്ടു വെക്കുമ്പോഴും മുഴച്ചു പൊങ്ങുന്ന കാലിലെ ഞരമ്പുകൾ, തോളിൽ തൂക്കിയിട്ട ചെറിയ സഞ്ചി ,


ഉറപ്പിച്ചു ഇതു ഭീകരൻ തന്നെ ..
ആ സഞ്ചി നിറച്ചും മാമുണ്ണാത്ത പിള്ളേര് തന്നെ ...

പലപ്പോഴായുള്ള ഭീകരന്റെ കടന്നു പോക്ക് ഭയത്തോടെ ദുരെ മാറിനിന്നു വീക്ഷിച്ചു.

കാലങ്ങൾ കടന്നു പോയി ..
അന്തിക്ക് ഒരു കുടം കള്ളും മോന്തി ഭീകരൻ ഇങ്ങനെ  പോകും ....
കണ്ടവരോടും  കാണാത്തവരോടുമായി ഭീകരന്റെ ഒരു മരണ മാസ്സ് ഡയലോഗ് ഉണ്ട് ...


"നേരെ പോ നേരെ വാ "
"നേരെ പോ നേരെ വാ "


പിന്നീട് പലോപ്പോഴും  നേരെ പോ നേരെ വാ എന്നുള്ള അശിരീരി റോഡിൽ കുടി കേൾക്കുമ്പോഴേ ഉറപ്പിക്കാം
 അത് നമ്മടെ ഭീകരൻ കൊച്ചുരാമൻ തന്നെ ...


ജീവിതത്തിൽ കണ്ടതയിൽ വച്ച് നേരും നെറിയുമുള്ള മനുഷ്യൻ
വാക്കിനാലും പ്രവർത്തിയിലും ആശാൻ  നേരെ പോ നേരെ വാ.
"പരിയാരംകാരുടെ സ്വന്തം കൊച്ചുരാമൻ"

ഈ മനുഷ്യനെയാണല്ലോ അറിവാകുന്ന കാലം വരെ ഞാൻ ഭീകരനായി നോക്കി കണ്ടത് എന്റെ മുത്തപ്പാ .....

Wednesday, 24 May 2017

ഒരു മുംബൈ യാത്രയുടെ ഓർമ്മക്ക് ..!!







വളരെ നാളത്തെ ആഗ്രഹം ആയിരുന്നു ബോംബെ അഥവാ മുംബൈ ഒന്ന് സന്ദർശിക്കണമെന്നു .
സിനിമയിലും മാഗസീനുകളിലും കണ്ട മുംബൈ, ഗുണ്ടകളുടെ അധോലോകകാരുടെ മുംബൈ അങ്ങനെ പലരും പറഞ്ഞു കേട്ട കഥയിലുള്ള മുംബൈയുടെ ഒരു ഭീകരമായ പ്രീതിച്ഛായ ആയിരുന്നു മനസ്സിൽ .

പ്രോജക്ടിന്റെ ഇടക്ക് ഒരു 4 ദിവസം അവധി കിട്ടി.പിന്നെ ഒന്നും നോക്കിയില്ല  റെഡ്ബസ് വഴി മുംബൈകുള്ളൊരു ബസ് ബുക്ക് ചെയ്തു ,പിന്നീട്  മുംബൈലുള്ള സുജിത്തിനേം , ബിബിനെയും വിളിച്ചു പറഞ്ഞു "അളിയാ ഞാൻ ഏതാ വരുന്നേ "..!!

ആദ്യമായിട്ട് മുംബൈക് പോകുന്നതിന്റെ ഒരു ജിജ്ഞാസ മനസ്സിൽ വിങ്ങി പൊട്ടി .
രാത്രി 7 മണിയോടുകൂടി ബസ് ഗോവയിൽ നിന്ന് പുറപ്പെട്ടു .പിന്നീട് 12 മണിക്കൂറിൽ അധികം  വരുന്ന ബസ് യാത്ര ആസ്വദിച്ചു.ഏകദേശം രാവിലെ 8.30 ടു കൂടി ബസ് ദാദർ ഈസ്റ്റിൽ എത്തി.സുഹൃത്തുക്കൾ  വാട്സാപ്പിൽ  സ്ഥലം അയച്ചു തന്നത് കൊണ്ട് വല്യ ബുദ്ധിമുട്ടു ഉണ്ടായില്ല .എന്നാലും ചെറുതായിട്ട് ഒന്ന് ബുദ്ധിമുട്ടി കൃത്യമായ സ്ഥലം കണ്ടു പിടിക്കാൻ . 
പകൽ ജോലിത്തിരക്കുള്ളതിനാൽ മുംബൈ സിറ്റിയുടെ ഭംഗി ആസ്വദിക്കാൻ  രാത്രിയിൽ  പോകാം  എന്ന്  ഞങ്ങൾ തീരുമാനിച്ചു.
അങ്ങനെ ഏകദേശം രാത്രി 8.00 ആയപ്പോൾ ഞങൾ വീട്ടിൽ നിന്നും ഇറങ്ങി.ദാദർ മാർക്കറ്റിൽ കൂടി പല പല വഴികളിൽ കുടി കറങ്ങി അവന്മാരെന്നെ  എന്നെ ദാദർ ബീച്ചിൽ എത്തിച്ചു. ബീച്ചിൽ രാത്രി ആയിട്ടും  കാമാതുകമുകന്മാരുടെ നല്ല തിരക്ക് തന്നെ ഉണ്ടായിരുന്നു,അവരെല്ലാം അവരെ തന്നെ മറന്നു കൊണ്ട് തങ്ങളുടെ പ്രണയമാസ്വദിക്കുന്ന കണ്ടിട്ട് എനിക്ക് എന്നോട് തന്നെയൊരു അസൂയ തോന്നി.നാട്ടിലെ പോലെ സദാചാര ആങ്ങളമാരെ ഞാൻ അവിടെ കണ്ടില്ല കേട്ടോ .





കപ്പലണ്ടി കച്ചവടകരെയും ,ഭേൽ പുരി കച്ചവടക്കാരെയും കൊണ്ട് ബീച് നിറഞ്ഞരുന്നു .
ബീച്ചിനോട് ചേർന്നുള്ള കടൽഭിത്തിയിൽ ഞങ്ങൾ ഇരുപ്പു ഉറപ്പിച്ചു.നല്ല തണുത്ത കടൽ കാറ്റു  മനസ്സിനൊരു കുളിർമ നൽകി.വളരെ നാളുകൾക്കു ശേഷ, കണ്ടുമുട്ടിയതിനാൽ ഞങ്ങൾ മൂവരും പല പല കഥകളുടെ കെട്ടഴിച്ചു വിട്ടു. അതിനിടയിലും  കടലിന്റെ സൗന്ദര്യത്തെ ആസ്വദിക്കാനും മറന്നില്ല.








നേരെ എതിർ വശത്തായി കടലിനു കുരുക്കെ പറന്നു കിടക്കുന്ന ബാന്ദ്ര-വോർളി സീലിങ്ക് പാലത്തിന്റെ വിദൂര ദൃശ്യം .കുറച്ചു സമയത്തേക്ക് സീലിങ്ക് പാലത്തിന്റെ എഞ്ചിനീയർമരെയും ,ജോലിക്കാരെയും ,അവരുടെ കലാവിരുതിനെ ഓർത്തു സ്മരിച്ചു .

ദാദർ ബീച്ചിന്റെ അടുത്ത് തന്നെയാണ് Dr. ബി ആർ അംബേക്കറുടെ സ്‌മൃതി മണ്ഡപം .പക്ഷെ സ്‌മൃതി മണ്ഡപം അടച്ചിതിനാൽ  ആ കാഴ്ച നഷടമായി.
കുറെ സമയം ബീച്ചിൽ ചിലവിട്ട ശേഷം വഴിയോര കാഴ്ചകളൊക്കെ ആസ്വദിച്ച് ഞങ്ങൾ തിരികെ താമസ സ്ഥലത്തേക്ക് മടങ്ങി.

അടുത്ത ദിവസം രാവിലെ തന്നെ  യാത്ര ആരംഭിച്ചു. മുംബൈ ലോക്കൽ ട്രയിനിലെ തിരക്ക് ആസ്വദിക്കണം എന്ന എന്റെ ആവശ്യത്തെ ആദ്യം പാടേ  അവഗണിച്ചെങ്കിലും പിന്നീട് എന്റെ നിരബന്ധത്തിനു അവര്ക്ക് വഴങ്ങേണ്ടി വന്നു . രണ്ടും കല്പിച്ചു ഞങൾ ദാദർ വെസ്റ്റ് സ്റ്റേഷനിൽ എത്തി .അവിടുത്തെ തിരക്ക് കണ്ടപ്പോഴേ എന്റെ കണ്ണുതള്ളി .എന്തായാലും വളരെ കഷ്ടപ്പെട്ട് ചർച് ഗേറ്റിലേക്ക്  ടിക്കറ്റ് തരപ്പെടുത്തി. പ്ലാറ്റഫോമിൽ നിന്ന് തിരിയാൻ പറ്റാത്ത അത്ര തിരക് .


ട്രെയിൻ വന്നതും കേറേണ്ടി വന്നില്ല അതിനു മുന്നേ ആളുകൾ ഇടിച്ചു എന്നെ ട്രെയിനുള്ളിലേക്ക് ആക്കി . 

സുഹൃത്തുക്കൾ ആദ്യം എന്റെ ആവിശ്യം പരിഗണിക്കാഞ്ഞത്  എന്താണെന്നു അപ്പോൾ  എനിക്ക് മനസിലായി.വളരെ ബുദ്ധമുട്ടി ഒരു വിധത്തിൽ ശ്വാസം പിടിച്ചു ട്രെയിനുള്ളിൽ നിന്നു .അന്ധേരി സ്റ്റേഷൻ കഴിഞ്ഞപ്പോഴേക്കും തിരക്ക് ക്രെമേണ കുറഞ്ഞു.ചേരികളും വാങ്കഡെ ക്രിക്കറ്റ് സ്റ്റേഡിയത്തിന്റെ ഫ്ളഡ് ലൈറ്റും ഞങ്ങളെ തലോടി പോയി അങ്ങനെ വളരെ നേരത്തെ ശ്വാസംമുട്ടലിനൊടുവിൽ ട്രെയിൻ ചർച്ച ഗേറ്റ് സ്റ്റേഷനലിൽ എത്തി.

സ്റ്റേഷൻ നിറയെ വഴിവാണിഭക്കാരെ കൊണ്ട് നിറഞ്ഞിരിക്കുന്നു.
ആദ്യമായി ഇത്തരത്തിലുള്ള കാഴ്ചകളൊക്കെ കണ്ടത്കൊണ്ട് ആവണം എനിക്കെന്റെ ആവേശവും കൗതുകവും അടക്കിവെക്കാനായില്ല .കാഴ്ചകളൊക്കെ കാണുന്നതിനൊപ്പം തന്നെ എന്റെ സുഹൃത്തു ബിബിനും സുജിത്തും മുംബൈ ഭീകരാക്രമണവും ഇവിടെ നടന്ന നാശനഷ്ടങ്ങളും വിവരിച്ചുകൊണ്ടിരുന്നു .മുൻപോട്ടു പോകും തോറും നിരത്തുകളുടെ വശങ്ങളിൽ വ്യാപാരം പൊടി പൊടിക്കുന്നു .ഏതൊക്കെ കൗതുകത്തോടെ നോക്കി കാണുന്ന വിദേശികളെയും എനിക്കവിടെ  കാണാൻ സാധിച്ചു 




(ഈ വ്യാപാര കാഴ്ചകൾ കുറച്ചു സമയത്തേക്ക് എന്നെ പഴയ ഊട്ടി മൈസൂർ യാത്രയിലേക്ക് കൊണ്ട് പോയി )

നിരവധി വഴിവാണിഭക്കരെയും പിന്നുടു ഞങ്ങൾ യാത്ര തുടര്ന്നു .ഒടുവിൽ കുറച്ചു സമയത്തിനു ശേഷം ഞങ്ങൾ ഒടുവിൽ ഗേറ്റ് വായ് ഓഫ് ഇന്ത്യയിൽ എത്തി ചേർന്നു.





   (ഗേറ്റ് വേ  ഓഫ് ഇന്ത്യയുടെ  ചിത്രം )

കുറെ  നേരം  ഗേറ്റ് വേ  ഓഫ് ഇന്ത്യയുടെ ഭംഗി ആസ്വദിച്ചു.GWI ടൊപ്പം  സെൽഫി എടുക്കാൻ നെട്ടോട്ടം ഓടുന്ന ഒട്ടനേകം പേരെ കണ്ടു.
ബോളിവുഡ് സിനിമകളിലെ സ്ഥിരം കഥാപത്രങ്ങളായ പ്രാവിൻകൂട്ടങ്ങൾ കലപില കുട്ടി പാറിപ്പറന്നു നടപ്പുണ്ടായിരുന്നു .






                                       (ഹോട്ടൽ  താജ് ഇന്റർനാഷണൽ മുംബൈ )



GWI യുടെ മുൻവശത്തു  നിന്ന് നോക്കുമ്പോൾ ദാ പ്രസിദ്ധമായ താജ് ഹോട്ടൽ എന്നെ നോക്കി പുഞ്ചിരിച്ചു നിൽക്കുന്നു .ഞാനും ഒരു ചെറു പുഞ്ചിരി അങ്ങോട്ടും കൊടുത്തു . അതിഭീരമായ നിലവിളി ശബ്ദവും വീടിയുണ്ടകള് കണ്ണിൽ മുന്നിലൂടെ പോകുന്നപോലെ എനിക്ക് തോന്നിപോയി .എന്തിനും പോരാത്ത കൊടും ഭീകരന്മാരെ നെഞ്ചും വിരിച്ചു നേരിട്ട താജ് അല്ലെ എന്റെ മുന്നിൽ നിൽക്കുന്നത്.ഞാൻ ഇനി എന്തിനു പേടിക്കാൻ.കുറെ സമയം അവിടെ ചിലവഴിച്ച ശേഷം തിരികെ റെയിൽവേ സ്റ്റേഷനിലേക്ക് .റിട്ടേൺ ടിക്കറ്റ് നേരത്തെ തന്നെ തരപ്പെടുത്തിയതിനാൽ ടിക്കറ്റ് കൗണ്ടറിലെ ക്യു  ഒഴിവായി .

മനസ്സില്ല മനസ്സോടെ തിരികെ താമസ്ഥലത്തേക്ക് . 
പറഞ്ഞാലും എഴുതിയാലും തീരാത്ത മനോഹാരിത മുംബൈക്ക് മാത്രം സ്വന്തം. 

 

Sunday, 12 February 2017

ഞാൻ കണ്ട ഗോവ ..

ഗോവ എന്ന് കേൾക്കുമ്പോൾ എല്ലാവരുടെയും ഉള്ളിൽ വേറിട്ടൊരു  പ്രതിച്ഛായ ആണ് ഉള്ളത് ..
പബ്ബുകളുടെ ഗോവ ,കാസിനോ കളുടെ ഗോവ ,മദ്യം കൊണ്ട് ആറാട്ട് നടത്തുന്ന ഗോവ ..

പക്ഷെ ഞാൻ കണ്ട ഗോവ ഇതിൽ നിന്നെല്ലാം വ്യത്യസ്തം  ആയിരുന്നു ..
ഞാൻ കണ്ട ഗോവ ലളിതമായിരുന്നു , ആർഭാടങ്ങൾ ഇല്ലാതെ വളരെ ലളിത ജീവിതം നയിക്കുന്ന സട കാരുടെ ,ബൈനക്കാരുടെ ഗോവ

എന്റെ  MSc പ്രോജക്ടിന്റെ ഭാഗമായിട്ടാണ് ഞാൻ ഗോവയിൽ  എത്തിയത് .ഞാൻ ഇവിടെ കണ്ട കാഴ്ചകൾ തീർത്തും വ്യത്യസ്തമായിരുന്നു,എന്റെ  ഗോവ  എന്ന സങ്കൽപ്പത്തെ തന്നെ അവ മാറ്റിമറിച്ചു .ഹിന്ദിയും കൊങ്ങിണിയും അറിയാത്തതു കൊണ്ട് ആദ്യമൊക്കെ നന്നേ ബുദ്ധിമുട്ടിയെങ്കിലും  ക്രെമേണ  ഗോവയോട് ഇഴകി ചേരാൻ എനിക്ക് സാധിച്ചു.

ഇവിടെ നോക്കിയാലും നമ്മുടെ നാട്ടിലെ പെട്ടി കടകൾ പോലെ ബാറുകൾ ,പക്ഷെ  ഇന്നുവരെ മദ്യപിച്ചു ലക്കുകെട്ട് വഴിയിൽ  ഒരാളെ പോലും  ഞാൻ ഗോവയിൽ കണ്ടില്ല .ഒരാൾക്ക് നാലെന്ന  കണക്കിൽ ബാറുകൾ ഇവിടെ  കാണാൻ സാധിക്കും. മദ്യത്തിന്റെ വിലയും  നന്നേ കുറവാണു .കേരളത്തിലെ കുടിയന്മാർ ഗോവ  യാത്രക്ക് തിരഞ്ഞെടുക്കുന്നത്തിന്റെ ഗുട്ടൻസ്  എനിക്ക് എപ്പോഴാണ് പിടികിട്ടിയത്.
ഞാൻ താമസിച്ചത് ഗോവയിലെ  വാസ്കോയിലെ  ബൈന എന്ന ചെറു സ്ഥലത്തായിരുന്നു  .എന്ത്
 സുന്ദരയമായ നാട് .രാവിലെ എഴുന്നേക്കുമ്പോൾ തന്നെ പാവുവാല  അതവ പാവ് വില്പനക്കരുടെ പിപി വിളികൾ സുലഭം .വടക്കെ ഇന്ത്യക്കാരെ പോലെത്തന്നെ ഗോവക്കാരുടെ ഏറ്റവും ഇഷ്ടപെട്ടതും ഒഴിച്ച് കൂടാൻ ആവാത്തതുമായ ഭക്ഷണമാണ് പാവ്.

 


                                                         (വാടാ പാവ് )


                                                           (പൊഹയും ചമ്മന്തിയും )
 ഇങ്ങനെ പലപല വിഭവങ്ങൾ ഗോവയിൽ കാണാൻ സാധിക്കും.പൊതുവെ ഭക്ഷണം കുറച്ച് അളവിൽ കഴിക്കുന്നവരാണ് ഗോവക്കാർ എന്നാണ് എന്റെ കണ്ടെത്തൽ.

 ഗോവയുടെ നഗര തിരക്കുകളിൽ നിന്നും  അകന്നുള്ള ഒരു വ്യാവസായികമായ മേഖലയിലാണ് ഞാൻ താമസിച്ചത്. കപ്പൽശാലയും,തുറമുഖം അതിനോടനുബന്ധിച്ച സ്ഥാപനങ്ങളും ഉള്ള മേഖല.
അടുത്തടുത്ത് ആർഭാടം വളരെ കുറഞ്ഞ  വീടുകൾ,ചെറിയ ചെറിയ പെട്ടിക്കടകൾ ഏതെല്ലാമായിരുന്നു ഇവിടുത്തെ പ്രേത്യേകതകൾ
ഗ്രാൻഡ് മതെര്സ് ഹോൾ  ബീച്ചും ,ജാപ്പനീസ് ഗാർഡനും ,ബൈന ബീച്ചും ആയിരുന്നു ഞാൻ താമസിച്ച സ്ഥലത്തെ പ്രധാന വിനോദ കേന്ദ്രങ്ങൾ
 ഗ്രാൻഡ് മതെര്സ് ഹോൾ ബീച്ച് എന്റെയും  ഒരു സ്ഥിരം സന്ദർശ്ശന സ്ഥലം  ആയിരുന്നു.


                                                      (grand mother's hole beach)


വിദേശസംസ്കാരം  ഈ കാലഘട്ടത്തിലും പിന്തുടരുന്ന സംസ്ഥാനം എന്ന നിലയിൽ ആണ് ഗോവ ഇന്ത്യയിലെ മറ്റു സംസ്ഥാനങ്ങളിൽ നിന്ന് വേറിട്ട് നിക്കുന്നത്.
അവരുടെ പെരുമാറ്റത്തിലും വസ്ത്രധാരണ രീതിയിലും എല്ലാം നമ്മുക്ക് ആ പാശ്ചാത്യ സംസ്കാരം കാണാൻ സാധിക്കും .

ബീച്ചുകൾക്കും വിനോദസഞ്ചാരത്തിനു ഇന്ത്യയിൽ തന്നെ ഏറ്റവും തന്നെ പേരുകേട്ട നാടാണ് ഗോവ .ഞാൻ സഞ്ചരിച്ച മറ്റു സ്ഥലങ്ങളിൽ നിന്നും ഗോവയിൽ  വ്യത്യസ്തമായി തോന്നിയത് അവരുടെ ആദിത്യമര്യാദയാണ്   .കേരളത്തിനും നിന്നും വളരെ വ്യത്യസ്തമായി ഗോവക്കാർ ബൈക്ക് ടാക്സി കളിയാണ് സഞ്ചാരത്തിനായി കൂടുതൽ ആശ്രയിക്കുക .അവ വളരെ സുഗമവും സുലഭവവുമാണ്.ബൈക്ക് ടാക്സികളെ  പൈലറ്റ് എന്നാണ് ഇവിടെ പൊതുവെ വിളിക്കാറ്


                                                       (ഒരു ഗോവൻ ബൈക്ക് ടാക്സി )

ഗോവ ബീച്ചുകൾ കൊണ്ടാണ് ലോകപ്രസിദ്ധം   .ഗോവൻ ബീച്ചുകൾ പറ്റി  ഇൻറർനെറ്റിൽ തിരഞ്ഞാൽ  കടല് പോലെ വിവരങ്ങൾ ലഭിക്കും .അതുകൊണ്ടു തന്നെ എന്റെ ബീച് യാത്രകൾ വിവരിക്കുന്നതിൽ ഔചിത്യമില്ല .ടൂറിസ്റ്റ് പ്രാധാന്യമുള്ള ബീച്ചുകളെക്കാൾ എനിക്ക് വളരെ ഏറെ ഇഷ്ടപെട്ടതും ഓർമ്മയിൽ നിൽക്കുന്നതും  ഡച്ചുകാർ  പണി കഴിപ്പിച്ച അഗ്ഗുതാ ഫോർട്ട് ആണ് .ദക്ഷിണ ക്യാൻഡോലിം ബീച്ചിന്റെയും മണ്ഡോവി പുഴയുടെയും വളരെ വിശാലഹൃദയനായി  അഗ്ഗുതാ ഫോർട്ട് സ്ഥിതി ചെയുന്നു  .ചരിത്രകൾ ഏറെ ഉറങ്ങുന്ന ഒരു മനോഹരമാ സ്ഥലം .പണ്ടുകാലത് യൂറോപ്പയിൽ നിന്ന് കടന്നു വരുന്ന കപ്പലുകൾക്ക് സ്ഥാനമായി അഗ്ഗുതാ ഫോർട്ടാണ്.



                                                           (അഗ്ഗുതാ ഫോർട്ട്)


                                (അഗ്ഗുതാ ഫോർട്ടിൽ നിന്നുള്ള ഒരു കടൽ കാഴ്ച )



സന്ദർശകർ  ഏറെ എത്തുന്ന ഒരു സ്ഥലമാണ് അഗ്ഗുതാ.ഗോവൻ യാത്രകളിൽ ഒരിക്കലും ഒഴിച്ചുകൂടാൻ പറ്റാത്ത സ്ഥലമാണ് അഗ്ഗുതാ.വളരെ മനോഹരമായി പണികഴപ്പിച്ച വെട്ടുകൾ ഭിത്തിയും, അതിനോട് ചേർന്നുള്ള ഒരു വാച്ച് റൗറുമാണ് അഗ്ഗുതാ ഫോർട്ടിന്റെ വാസ്തു ഭംഗിയെ വിളിച്ചോതുന്നത്  അവിടെ നിന്നും കണ്ണെന്താ ദൂരത്തേക്ക് നീണ്ടു നിവർന്നു കിടക്കുന്ന കടലിന്റെ ദൃശ്യം കൺകുളിർക്കെ കാണാൻ സാധിക്കും

വാസ്കോ അഥവാ വാസ്കോ ഡി ഗാമ :

ഗോവയെ പാട്ടി പറയുമ്പോൾ വാസ്‌കോയെ പറ്റി  പറഞ്ഞല്ലെങ്കിൽ ഈ വിവരണം  പൂർണമാവില്ല .ലോകം കണ്ട ഏറ്റവും വലിയ നാവികരിൽ ഒരാളായ വാസ്കോ ഡി ഗാമയുടെ പേരിലാണ് ഈ സ്ഥലം അറിയപ്പെടുന്നത്.1543 പണികഴിപ്പിച്ച വാസ്കോ 1961 വരെ പോർച്ചുഗീസ് അധിനതയിൽ ആയിരുന്നു .
ഇപ്പോഴും പോർച്ചുഗീസ്  സംസ്‍കാരം വാസ്കോയിൽ കാണാൻ സാധിക്കും .കെട്ടിടങ്ങൾക്കെല്ലാം ഒരു പോർച്ചുഗഹീസ് ചുവയാണ്   .ഗോവൻ നഗരങ്ങളിൽ വച്ച് ഏറ്റവും പുരാതന ഭാവമുള്ളതും വാസ്കൊക്കാണ്.പൊട്ടിപൊളിഞ്ഞു ജീർണിച്ചാവസ്ഥയിലുള്ള കെട്ടിടങ്ങളാണ് ഭൂരിഭാഗവും.കുറച്ചു നേരം നോക്കിനിന്നാൽ 1800 കളിലാണോ  ഞാൻ എന്ന് തോന്നി പോകും .അത്രക്ക് പുരാതനമായ കെട്ടിടങ്ങൾ അവിടെ കാണാൻ സാധിക്കും




                                           (പോർച്ചുഗീസ് ചുവയുള്ള ചില കെട്ടിടങ്ങൾ )

തുടരും ...

  

 

Copyright © 2017 asishinside.com.

Maintained by Asishks